ახალციხის ტბის მიმდებარედ 70 ძირი ფიჭვი დარგეს

გამწვანების აქციის ორგანიზატორი ახალციხის მერია იყო.

"უახლოეს დღეებში ველოდებით საქართველოს გარემოსა და ბუნებრივი რესურსების დაცვის სამინისტროს, ეროვნული სატყეო სააგენტოს მიერ გამოგზავნილ მაღალმთიანი ნეკერჩხლის, კედრისა და არყის ნერგებს, რომლებიც ქალაქის კულტურულ-რეკრეაციულ ზონებში დაირგვება. ჩვენი სურვილია ქალაქის მოსახლეობაც ჩაერთოს ამ პროცეში და ნარგავების მოვლა- გახარებაში მიიღოს მონაწილეობა, რადგან მწვანე ახალციხე ყველას სასურველი და საოცნებო რეალობაა", – აცხადებენ ახალციხის მერიაში.

მერიის ფეისბუქის გვერდის ინფორმაციით, სატყეო სააგენტოსგან ახალციხე თითოეული სახეობის 150–150 ძირ ნერგს მიიღებს.







[sknews.ge]