‘ლენდოს’ დაყაჩაღებაში ბრალდებულის საპროცესოზე მხარეები ჯერ არ შეთანხმებულან

როგორც ბრალდებულის ადვოკატი ნუგზარ სამარჯიშვილი „სამხრეთის კარიბჭესთან“ აცხადებეს, მხარეები პ.გ–სთვის საპროცესო შეთანხმების გაფორმებასთან დაკავშირებით ჯერ არ შეთანხმებულან: „პროკურატურაში განცხადება 11 აპრილს შევიტანე, მაგრამ ამ დრომდე პასუხი არ ვიცი, ამიტომ,სხდომას იქამდე გადავდებთ, ვიდრე საპროცესოზე ყველაფერი არ გაირკვევა“.

შეგახსენებთ, რომ ახალციხეში კომპანია „ლენდოს“ ფილიალი, მიმდიარე წლის 16 თებერვალს, საღამოს დააყაჩაღეს. სამართალდამცველებმა ბრალდებული ცხელ კვალზე დააკავეს. გამოძიება ახალციხელ შუახნის მამაკაცს ყაჩაღობასა და ცეცხლსასროლი იარაღის მართლსაწინააღმდეგო შენახვა–ტარებას ედავება, საქმეზე გამოძიება სსკ–ს 179–ე და 236–ე მუხლებით მიმდინარეობს. ყაჩაღობაში ბრალდებული პ.გ.–ს მეუღლე ამბობს, რომ ბრალდებული ამ ქმედებამდე ვალებმა მიიყვანა.

დაცვის მხარე ბრალდებულისათვის ერთი ან ორი წლით თავისუფლების აღკვეთის შეფარდებას მოითხოვს, თუმცა, დაამტკიცებს თუ არა სასამართლო, ნუგზარ სამარჯიშვილმა ჯერ არ იცის: „უფრო ზუსტად რაზე შევთანხმდებით, ეს პროკურორზეც არის დამოკიდებული“.

[sknews.ge]