‘ლენდოს’ დაყაჩაღებაში ბრალდებულთან შესაძლოა საპროცესო გაფორმდეს

„ლენდოს“ ფილიალის დაყაჩაღებაში ბრალდებულის საქმეზე, საპროცესო შეთანხმების თაობაზე, პროკურატურას დაცვის მხარე მომავალ კვირაში მიმართავს.

ადვოკატის ნუგზარ სამარჯიშვილის თქმით, იგი საპროცესო შეთანხმებით, რალდებულისთვის თავისუფლების 1 წლით აღკვეთის შეფარდებას მოითხოვს: „განცხადებას ვამზადებ, ციხეში ბრალდებულთან ჩავალ, ხელს მოვაწერინებ და უკვე პროკურატურაში შევიტან. ვფიქრობ ორივე მხარისათვის მისაღები იქნება“.

მისივე თქმით, პროკურატურაში საპროცესო შეთანხმების შესახებ განცხადებას სასამართლო სხდომამდე შეიტანს. სხდომა 11 აპრილსაა ჩანიშნული.
შეგახსენებთ, რომ ახალციხელ შუახნის მამაკაცს, რომელსაც გამოძიება კომპანია „ლენდოს“ ახალციხის ფილიალის დაყაჩაღებასა და ცეცხლსასროლი იარაღის მართლსაწინააღმდეგო შენახვა–ტარებას ედავება, სასამართლომ 18 თებერვალს აღკვეთის ღონისძიებად პატიმრობა შეუფარდა.

ახალციხეში კომპანია „ლენდოს“ ფილიალი 16 თებერვალს საღამოს დააყაჩაღეს. საქმეზე გამოძიება სსკ–ს 179–ე და 236–ე მუხლებით მიმდინარეობას.

[ლუბა გიორგაძე, ახალციხე]