'მხიარულ სტარტებში' ახალციხის N1 საჯარო სკოლამ გაიმარჯვა

ღონისძიება ახალციხის სასპორტო სკოლაში, მუნიციპალიტეტის მერიის სპორტის და ახალგაზრდულ საქმეთა განყოფილების ორგანიზებით მოეწყო.

ფინალურ შეხვედრაზე ერთმანეთს ქ. ახალციხის, N1, N2, სოფელ მუსხისა და ფერსის საჯარო სკოლების გუნდები დაუპირისპირდნენ.

დაძაბული და საინტერესო შეჯიბრის შედეგად, პირველი ადგილი ახალციხის N1-მა საჯარო სკოლამ მოიპოვა, ხოლო მეორე ადგილზე სოფელ ფერსის საჯარო სკოლის გუნდი გავიდა.

გამარჯვებულ მონაწილეებს მერიის მიერ დაწესებული თასები, სერთიფიკატები და მედლები გადაეცათ.

სასკოლო სპორტული ოლიმპიადის მუნიციპალიური თამაშები მხიარული სტარტებით დასრულდა, სხვადასხვა სახეობებში გამარჯვებული გუნდები კი რეგიონალურ თამაშებში მიიღებენ მონაწილეობას.



[sknews.ge]