გადაცემა 'საფეხური' – პროფესიული პროგრამები [Audio]

გადაცემის პირველი ნაწილის სტუმრები არიან, გურკელის საჯარო სკოლის მე–12 კლასის მოსწავლე ილია რიჟამაძე, რომელსაც გადაწყვეტილი აქვს საქართველოს აგრარულ უნივერსიტეტში მზარეულის პროფესიას დაეუფლოს და ლიკა გელაშვილი, რომელმაც სტილისტის პროგრამა გაიარა.

მეორე ბლოკში კი თემაზე საუბარს, ახალციხის საზოგადოებრივი კოლეჯის „ოპიზარის“ ხელმძღვანელთან ბელა ავალიშვილთან და სურსათის ეროვნული სააგენტოს სამცხე-ჯავახეთის რეგიონული სამმართველოს უფროსთან ლია ბექაურთან ერთად ვაგრძელებთ.

გადაცემაში თქვენ ასევე მოისმენთ ახალგაზრდების გამოკითხვას – რატომ აირჩიეს ესა თუ ის პროფესიული პროგრამა.



შეგახსენებთ, პროფესიულ პროგრამებზე რეგისტრაცია 8 აპრილს დასრულდა. საქართველოს მასშტაბით, 8.558 აპლიკანტი დარეგისტრირდა. მსურველებს შეეძლოთ არჩევანი 150-მდე პროფესიულ პროგრამას შორის გაეკეთებინათ.

რაც შეეხება ახალციხეს, წელს ამ მიმართულებით მიღება მხოლოდ ახალციხის საზოგადოებრივ კოლეჯს "ოპიზარს" აქვს. კოლეჯში 175 ვაკანტური ადგილია და 415 განაცხადი შევიდა.

[sknews.ge]