ახალციხე პროფესიული სასწავლებლების კვირეულს შეუერთდა

პროფესიული სასწავლებლების კვირეულის ფარგლებში განათლების სამინისტროსა და GIZ-ის ინიციატივით საქართველოს ყველა პროფესიული სასწავლებლის რეკლამირება დაიწყო.

„27 სექტემბერს პროფესიულ სასწავლებლებში მიღება სრულდება, ამიტომ მანამდე ყველა რეგიონს მოივლიან და პროფესიულ სასწავლებლებს პოპულარიზაციას გაუწევენ. გარდა ამისა, ყველა სასწავლებლეში წარმატებულ კურსდამთავრებულებს გადაიღებენ“, – ამბობს ახალციხის საზოგადოებრივი კოლეჯ „ოპიზარის“ დირექტორი ბელა ავალიშვილი.

განათლების ხარისხის განვითარების ეროვნული ცენტრის წარმომადგენლის მარინა ჟვანიას განცხადებით, პროფესიულ სასწავლებლებზე დოკუმენტურ ფილმს იღებენ, ახალციხის პროფესიულ სასწავლებელში ამ ფილმისთვის იმ წარმატებულ კურსდამთავრებულს ჩაწერენ, რომლემაც აქ მიღებული ცოდნით ბიზნესი წამოიწყო და ლოკოკინების ფერმა გააკეთა;

„პროფესიული განათლება მნიშვნელოვანია ქვეყნისთვის და ეკონომიკის განვითარებისთვის. ნებისმიერი უნარიანი ადამიანი, რომელიც რომელიღაცა პროფესიას ფლობს, ადვილად საქმდება.ნებისმიერი პროფესია მნიშვნელოვანია და მსოფლიო ამის გარეშე ვერ იარსებებდა“, – ამბობს ჟვანია.

[sknews.ge]