ბორჯომში "მის და ვიცე მის იუნიორები" გამოავლინეს

კონკურსის ბოლოს სპეციალურმა ჟიურიმ 2 გამარჯვებული დაასახელა. „მის იუნიორი ბორჯომი 2017“ გვანცა პაქსაშვილი გახდა, „ვიცე მის იუნიორის“ ტიტული კი ირინა ქურდაძემ მოიპოვა.

ორივე ახალგაზრდა მონაწილეობას გაერთიანებულ კონკურსში „მის იუნიორი საქართველო 2017“ მიიღებს, რომლის გამარჯვებული შემდგომ ბარსელონაში საერთაშორისო სილამაზის კონკურსში გაემგზავრება.

გამარჯვებულები ბორჯომის მუნიციპალიტეტის გამგებლის პირველმა მოადგილემ ანზორ სვანიძემ და კულტურის ცენტრის დირექტორმა ნუნუ ხოლუაშვილმა დააჯილდოვეს.

კულტურისა და ხელოვნების ცენტრის სახელით "მის და ვიცე მის იუნიორებს" პლანშეტები და დიპლომები გადაეცათ, კონკურსის სხვა მონაწილეები კი სუნამოებით დასაჩუქრდნენ.


[sknews.ge]