ნინოწმინდის ოთხ სოფელში კლუბების რეაბილიტაცია იწყება

საპროექტო–სახარჯთაღრიცხვო დოკუმენტაციის მოსამზადებლად თვითმმართველობამ ტენდერი 29 მარტს გამოაცხადა. წინადადებების მიღება 4 მარტს დაიწყება. საპროექტო–სახარჯთაღრიცხვო დოკუმენტაციის მომზადებისთვის 1 400 ლარია გათვალიწინებული.

როგორც სატენდერო დოკუმენტაციაშია მითითებული სამი სოფლის კლუბის რეაბილიტაციისთვის ჯამში 205 000 ლარია განსაზღვრული.

სოფელ დიდი გონდრიოს კლუბის რეაბილიტაციისთვის 30 000 ლარია განსაზღვრული. ამ თანხით იგეგმება სოფლის კლუბის სახურავის კაპიტალური რეაბილიტაცია.

დიდი არაქალის სოფლის კლუბის რეაბილიტაცია, რომლისთვისაც 10 000 ლარია განსაზღვრული, ითვალისწინებს შიდა ორთვლიანი საპირფარეშოს მშენებლობას საკანალიზაციო–წყალსადენის სისტემის მშენებლობის და ამოსაღები ორმოს გათვალისწინებით.

სოფელ კათნატუს კულტურის სახლის რეაბილიტაციისას გათვალიწინებულია 15 000 ლარი, ამ თანხით სცენის მოწყობა და შიდა კოსმეტიკური სამუშაოები ჩატარდება.

სოფელ ჯიგრაშენის სოფლის კლუბში შეიცვლება კარი და ფანჯერები და განსაზღვრულია შიდა კოსმეტიკურ სამუშაოები, რისთვისაც 150 000 ლარი დაიხარჯება.

[თინათინ ზაზაძე, ნინოწმინდა]