ნინოწმინდის ორ სოფელში გზას მოაასფალტებენ

ნინოწმინდის გამგეობამ ორივე ტენდერი 30 მარტს გამოაცხადა. სოფელ ეშტიამდე გზის დაგებისთვის ტენდერი 500 000 ლარზე გამოცხადდა, ხოლო ჯიგრაშენის გზის რეაბილიტაციისთვის 600 000 ლარია განსაზღვრული.

ტენდერში მონაწილეობის მსურველთათვის წინადადებების მიღება 15 აპრილიდან იწყება და 20 აპრილს სრულდება.

ტენდერში გამარჯვებული კომპანია ჯიგრაშენში 7 მეტრის, ეშტიაში კი 6 მეტრის სიგანის ასფალტს დააგებს.

სამუშაოები ხელშეკრულების გაფორმებიდან 60 დღეში უნდა დასრულდეს, საგარანტიო ვადა 3 წელია.

[თინათინ ზაზაძე, ნინოწმინდა]