ნინოწმინდაში ინფრასტრუქტურული პროექტებისთვის 4.4 მლნ ლარი დაიხარჯება

რეგფონდმა მიმდინარე წელს ნინოწმინდის მუნიციპალიტეტს ხუთი ინფრასტრუქტურული პროექტის განსახორციელებლად 3 424 830 ლარი გამოუყო. დანარჩენ 17 პროექტს ადგილობრივი ბიუჯეტი აფინანსებს, რისთვისაც ჯამში 1 056 422 დაიხარჯება.

თანხის უმეტესი ნაწილი გზების მოასფალტებას, საბავშვო ბაღების და სპორტული მოედნების რეაბილიტაციას ხმარდება.

პროექტების ნაწილის განხორციელება უკვე დაწყებულია, ნაწილზე ხელშეკრულება ახლა ფორმდება.

2018 წელს განსახორციელებელი პროექტების ჩამონათვალი:

1. ეშტიიის გზის რეაბილიტაცია – 1 545 783 ლარი;

2. ორაჯალარის მინი სტადიონის მშენებლობა – 35 807 ლარი;

3. განძის რიტუალების სახლის მშენებლობა – 32 000 ლარი;

4. ნინოწმინდის საბავშვო ბაღის და მიმდებარე ტერიტორიის კეთილმოწყობა – 66 666 ლარი;

5. დიდი არაქალის საბავშვო ბაღის რეაბილიტაცია და გაზიფიცირება – 17 698 ლარი;

6. ნინოწმინდის „წიწერნაკის“, განძის და დილიფის საბავშვო ბაღების რეაბილიტაცია – 55 188 ლარი;

7. ეფრემოვკის, ჟდანოვაკანის, უჩმანას რიტუალების სახლების რეაბილიტაცია – 52 439 ლარი;

8. ნინოწმინდის ქუჩების მოასფალტება – 1 828 238 ლარი;

9. ნინოწმინდის გარე განათების ქსელის მოწყობა – 70 000 ლარი;

10. ნინოწმინდის საკანალიზაციო ქსელის მშენებლობა – 87 077 ლარი;

11. ჯიგრაშენის წყალსადენის რეაბილიტაცია – 3 389 ლარი;

12. ყაურმის სპორტული დარბაზის სარემონტო სამუშაოები – 65 385 ლარი;

13. განძის სპორტული დარბაზის სამშენებლო სამუშაოები – 55 000 ლარი;

14. ნინოწმინდის მინი სტადიონის მშენებლობა – 39 118 ლარი;

15. საღამოს დედათა მონასტერში გათბობის სისტემის დამონტაჟება – 7 777 ლარი;

16. ხანჩალთან მიმავალ გზაზე მდებარე ხიდის რეაბილიტაცია – 3 815 ლარი;

17. სათხეში, გორელოვკასა და განძაში გარეგანათების დამონტაჟება – 7 688 ლარი;

18. დიდი გონდურის რიტუალების სახლის სახურავისა და ნინოწმინდის ადმინისტრაციული შენობის საქვაბის სახურავის რეაბილიტაცია – 3 050 ლარი;

19. ნინოწმინდაში 26 კომისრის ქუჩის მოასფალტება – 98 056 ლარი

20. ნინოწმინდაში სევაკის ქუჩის მოასფალტებს სამუშაოები – 119 079 ლარი;

21. სპასოვკის კლუბის სარემონტო–სარეაბილიტაციო სამუშაოები – 30 000 ლარი;

22. სათხა–სპასოკის გზის მოასფალტება – 258 000 ლარი;

[თორნიკე ზაზაძე, ნინოწმინდა]