გალარების პროგრამით 71 მლნ დოლარის მოცულობის სესხი გალარდა

გალარების პროგრამის შედეგები, ბანკების ასოციაციის აღმასრულებელმა დირქტორმა გოგიტა ცუცქირიძემ დღეს, 20 მარტს პრესკონფერენციაზე ჟურნალისტებს გააცნო.

ცუცქირიძის ინფორმაციით, აღნიშნული მაჩვენებელი სრული რაოდენობის 19%-ს შეადგენს.

"პროგრამის დასაწყისშში აქტივობა ნაკლები იყო. 25 თებერვლიდან აქტივობამ მოიმატა, თუმცა პროგრამის დასრულებამდე 4 დღით ადრე გალარების მსურველთა რიცხვი ძალიან მაღალი იყო - 1250 მსესხებელი. საუბარი იმაზე, რომ პროგრამა ჩავარდა და იყო კოლაფსი, არასწორია. მოლოდინი იმისა, რომ ყველა მსესხებელი გაალარებდა სესხს, არ ყოფილა", - განაცხადა ცუცქირიძემ.

ბანკების ასოციაციის აღმასრულებელმა დირქტორმა პროგრამა, დადებითად შეაფასა და მედიას, ბანკებს და ეროვნულ ბანკს ჩატარებული საინფორმაციო კამპანიისთვის მადლობა გადაუხადა.

ცუცქირიძე მიიჩნევს, რომ ლარიზაციის პროცესში გალარება პოზიტიური როლის
შემსრულებელი იყო.

გალარების სოციალური პროგრამა, რომელიც საქართველოს მთავრობისა და ეროვნული ბანკის ერთობლივი პროგრამაა, 2017 წლის 17 იანვარს დაიწყო და 17 მარტის ჩათვლით მიმდინარეობდა. პროგრამით სუბსიდირებას 2015 წლის პირველ იანვრამდე ფიზიკური პირების ან ინდმეწარმეების მიერ აშშ დოლარში აღებული და უძრავი ქონებით უზრუნველყოფილი სესხები ექვემდებარებოდა. მასში მონაწილეობა ნებაყოფლობითი იყო.

[sknews.ge]