ამერიკის ელჩის პირველი ვიზიტი ახალქალაქში [Photo]

ვიზიტის ფარგლებში, ამერიკის ელჩი, ახალქალაქში ადგილობრივი თვითმმართველობის წევრებს, ასევე, არასამთავრობო და მედია ორგნიზაციებს წევრებს შეხვდა; მოინახულა ახალქალაქის, სურბ ხაჩის ეკლესია და სასულიერო პირებს შეხვდა.

ვიზიტის დასასრულს კი, რეგიონის სამი მედია–საშუალების: „სამხრეთის კარიბჭეს“, ჯავახეთის საინფორმაციო ცენტრის – Jnews.ge-სა და ნინოწმინდის რადიო „ნორის“ ჟურნალისტების კითხვებს უპასუხა.

ელჩის ვიზიტი ახალქალაქში, ადგილობირივი თვითმმართველობის წევრებთან შეხვედრით დაიწყო. იან კელი ახალქალაქის მუნიციპალიტეტის საკრებულოს თავმჯდომარეს ჰამლეტ მოვსესიანსა და ახალქალაქის გამგებელს, ედუარდ აღასარიანს შეხვდა.

„ეს ჩემი პირველი ვიზიტია ახალქალაქში. დიდ დროს ვატარებ თბილისში, რეგიონებში კი იშვიათად დავდივარ. შემიძლია განვაცხადო, რომ ადგილორივი ხელისუფლების წევრებთან კონსტუქციული დიალოგი შედგა. ვიმუშავებთ ურთიერთობის გაღრმავებასა და ამ მხარის ეკონომიკურ გაძლიერებაზე“, – განაცხადა Jnews.ge-სთან საუბარში ელჩმა შეხვედრის დასრულების შემდეგ.

ამის შემდეგ, ამერიკის ელჩი საქართველოში, იან კელი, ახალციხისა და ახალქალაქის არასამთავრობო ორგანიზაციების წარმომადგენლებს შეხვდა. მრგვალი მაგიდა მედიისთვის დახურულ კარს მიღმა, საათნახევარს გაგრძელდა. შეხვედრას ახალქალქში მოქმედი არასამთავრობო ორგანიზაციები, ასევე, Jnews. Ge–ს ხელმძღვანელი რიმა ღარიბიანი, ახალციხიდან კი „დემოკრატ მესხთა კავშირის“ ხელმძღვანელი გიორგი ანდღულაძე და „სამხრეთის კარიბჭეს“ დირექტორი, ლელა ინასარიძე ესწრებოდნენ.

დისკუსიის დასრულების შემდეგ, იან კელი, სომხური სამოციქულო ეკლესიის სასულიერო პირებს შეხვდა და ასევე, სურბ ხაჩის ეკლესიას ესტუმრა. მას არქიმანდრიტმა ბაბკენ სალბინიანმა უმასპინძლა. ეკლესიის მონახულების შემდეგ, ელჩისა და სასულიერო პირბის შეხვედრა, ასევე, დახურულ კარს მიღმა გაგრძელდა.




ახალქალაქში ვიზიტი ამერიკის ელჩმა ჟურნალისტებთან ინტერვიუთი დაასრულა.

jnews.ge-ს, nor.ge–სა и sknews.ge–ს ჟურნალისტებთან ელჩის ექსკლუზიური ინტერვიუ დაახლოებით ერთ საათს გაგრძელდა. "სამხრეთის კარიბჭე" ინტერვიუზე მუშაობს და მასალას დღის ბოლოს შემოგთავაზებთ.

[ნინო ნარიმანიშვილი, ახალქალაქი]