ვაჰაგნ ჩახალიანს ახალქალაქში დახვედრა მოუწყეს

სურბ ხაჩის ეკლესიის ეზოში მის შესახვედრად საკმაოდ ბევრი ხალხი შეიკრიბა. ჩახალიანს აპლოდისმენტებით შეხვდნენ. ეკლესიის ეზოში სიმღერა „წითელი ყაყაჩოები“ ჟღერდა.

ჩახალიანის გათავისუფლებისთვის მადლობის ნიშნად ეკლესიის ეზოში ყველამ ერთად „სადიდებელი ლოცვა“ წაიკითხა. მამა ბაბკენ სალბიანმა შეკრებილებს მიულოცა და აღნიშნა, რომ ვაჰაგნის გათავისუფლების საქმეში განსაკუთრებული როლი სრულიად სომეხთა კათალიკოს-პატრიარქმა გერეგინ II-მ და სომხური სამოციქულო ეკლესიის ქართულმა ეპარქიამ ითამაშეს.

გათავისუფლების შემდეგ, ახალქალაქში ჩამოსვლამდე, ვაჰაგნ ჩახალიანი თბილისის სურბ ეჩმიაძინის (წმინდა ეჩმიაძინი) სომხურ ეკლესიაში იმყოფებოდა, სადაც სომხური სამოციქულო ეკლესიის ქართული ეპარქიის წინამძღვარს ვაზგენ მირზახანიანს შეხვდა. ასევე ელეფონით ესაუბრა სრულიად სომეხთა კათალიკოს-პატრიარქს გერეგინ II-ს, რომელმაც იგი ტეელფონით აკურთხა. თბილისში იგი საქართველოში სომხეთის ელჩსაც შეხვდა.

[Sknews.ge]