ახალციხის სამხატვრო სკოლის პირველი საერთაშორისო წარმატება

ფესტივალი, რომელიც ‘ნოვრუ ბაირამის’ დღესასწაულს უკავშირდბოდა, 11–13 მარტს მიმდინარეობდა. იგი სხვადასხვა კულტურული ღონისძიებებისგან შედგებოდა და ერთ–ერთი ხელოვნების ნამუშევრების გამოფენა იყო.

ახალციხის სამხატვრო სკოლა, გამოფენაში მონაწილეობდა. სკოლამ, გამოფენაზე, მოსწავლეების არაერთი ნამუშევარი წარადგინა და სამშობლოში, სამი პირველი, ორი მეორე და ერთი მესამე ადგილით დაბრუნდა.

„ნამუშევრები თემატურად ეხებოდა ნოვრუზ ბაირამის დღესასწაულსა და საქართველო–აზერბაიჯანის მეგობრობას. ძირითადად შესრულებული იყო ზეთში, ასევე კერამიკაზეც“, – ამბობს ახალციხის სამხატვრო სკოლის დირექტორი ნანა ნათენაძე.

მისივე თქმით, ნამუშევრები, ფესტივალამდე ათი დღით ადრე გააგზავნეს: „შემდეგ მოხდა ამ ნამუშევართა გადარჩევა და გამარჯვებულები ჟიურიმ გამოავლინა“.

სამხატვრო სკოლისთვის, ეს, საქართველოს გარეთ, პირველი მივლინება იყო.

„ველოდით, რომ ერთი ნამუშევარი მაინც გაიმარჯვებდა, თუმცა, ამხელა წარმატება მოულოდნელი იყო ჩვენთვის“, – ამბობს ნანა ნათენაძე.
გამარჯვებულებს სიგელები და ფასიანი საჩუქრები გადაეცათ.

ახალციხიდან ფესტივალზე სამხატვრო სკოლის ათი მოსწავლე, ერთი მშობელი და სამი მასწავლებელი გაემზავრა. მათი მგზავრობა ტრანსპორტით ახალციხის მერიამ უზრუნველყო.

[მარიამ ბარძიმაძე, ახალციხე]