„იბერიას“ ჟურნალისტის ცემაში ბრალდებულებთან საპროცესო გაფორმდა

ახალციხის რაიონულმა სასამართლომ საპროცესო გარიგების შესახებ პროკურორისა და ადვოკატების შეთანხმება, უკვე დაამტკიცა. რომლის მიხედვითაც, ჟურნალისტ გიორგი გასვიანის ცემაში ბრალდებულ სამ პირს მიხეილ ხუციშვილს, პაატა კვინიკაძეს და ბორის გოგიჩაიშვილს, ექვსთვიანი პირობითი მსჯავრი შეეფარდათ.

„ასევე, ბრალდებულებს ერთ წლიანი გამოსაცდელი ვადა დაუწესდათ. იმ შემთხვევაში თუ ამ ვადაში, მათ რაიმე დანაშაული ჩაიდინეს და კანონი დაარღვიეს, საპატიმრო დაწესებულებაში დაბრუნდებიან და იმ ექვსთვიან პირობით მსჯავრს ციხეში გაატარებენ“, – გვიხსნის ერთერთი მსჯავრდებულის პაატა კვინიკაძის ადვოკატი ირაკლი ბარძიმაძე.

მისივე თქმით, ყოფილი პილიციელი მიხეილ ხუციშვილი და დაცვის პოლიციის თანამშრომელი პაატა კვინიკაძე სამსახურებს ვეღარ დაუბრუნდებიან: „ორივე მათგანი ნასამართლევია, მათ ბრალი აღიარეს“.

ბრალდებულებთან საპროცესო, პროკურორმა და ადვოკატმა, დაზარალებულთან გიორგი გასვიანთან შეთანხმებით გააფორმეს.

შეგახსენებთ, რომ ჟურნალისტის ცემაში, ბრალდებულ სამ პირს, ახალციხის რაიონულმა სასამართლომ 27 იანვარს, აღკვეთის ღონისძიებად პატიმრობა შეუფარდა. მაშინ სასამართლო პროცესზე მიხეილ ხუციშვილმა, პაატა კვინიკაძემ და ბორის გოგიჩაიშვილმა ბრალი არ აღიარეს.

„იბერიას“ ჟურნალისტი გიორგი გასვიანი, სამ პირს, მათ შორის ბორჯომის რაიონული სამმართველოს უფროს ინსპექტორ–გამომძიებელს მიხეილ ხუციშვილს ცემასა და მუქარაში ადანაშაულებდა.

[ლუბა გიორგაძე, ახალციხე]