ახალგაზრდებმა, რომლებიც სამხარეო სამმართველოს უფროსის მოადგილეს ცემაში ადანაშაულებდნენ, ბრალი აღიარეს

ახალციხეში მცხოვრებმა ახალგაზრდებმა ა.თ-მ და გ.ხ-მ ბრალი აღიარეს და პროკურატურასთან საპროცესო გარიგებაც გააფორმეს.

„ა.თ-ს 2 წელი პირობითი და 1000 ლარი ჯარიმა, გ.ხ-ს კი 3 წელი პირობითი და ასევე 1000 ლარი ჯარიმა დაეკისრა“, - ამბობს ბრალდებულების ადვოკატი მარტიროს ოგანესიანი და ამატებს, რომ გ.ხ-ს აღნიშნული ჯარიმა ძველ სისხლის სამართლის საქმეზე ჰქონდა დაკისრებული, თუმცა, აქამდე გადახდილი არ ჰქონდა.

შეგახსენებთ, რომ ბრლადებულები ბრალს არ აღიარებდნენ და ცემაში მამუკა გელაშვილს ადანაშაულებდნენ. მამუკა გელაშვილსა და ბრალდებულებს შორის ჩხუბი 18 მაისს ღამით, საბარგო სადგურზე მოხდა. იმ ღამეს ა.თ. და გ.ხ. დააკავეს და თოთოეული ათიათასლარიანი გირაოს სანაცვლოდ გამოუშვეს. მათ ბრალი სსკ-ის 353 მუხლით ედებათ.

[თამუნა უჩიძე, ახალციხე]