ტრენინგი: გენდერული თანასწორობა და დღევანდელი გამოწვევები

ორდღიან ტრენინგს ორგანიზაცია „კონსტიტუციის 42-ე მუხლი“ და საქართველოს გაერთიანებული პროფესიული კავშირები ჩაატარებენ. ტრენინგის ფარგლებში მოქალაქეებისთვის დისკრიმინაციის საკითხთან დაკავშირებით კონსულტაციებიც გაიმართება.

კონსტიტუციის 42–ე მუხლის აზრით, სამუშაო ურთიერთობებში ქალთა მიმართ დისკრიმინაციის ძირითადი მიზეზებია: ქალთა ცნობიერების ნაკლებობა დისკრიმინაციის ფორმებთან დაკავშირებით; სამართლებრივი ხარვეზები, რაც დამსაქმებელს საშუალებას აძლევს ქალთა მიმართ დისკრიმინაცია განახორციელოს იმგვარად, რომ არც კი დადგეს მისი პასუხისმგებლობა; პოლიტიკური ნების ნაკლებობა შრომით ურთიერთობებში დისკრიმინაციის შესამცირებლად; არასაკმარისი საზოგადოებრივი ზეწოლა დამსაქმებლებზე იმოქმედონ კანონის შესაბამისად.

როგორც ორგანიზაციაში აცხადბენ, პროექტის მიზნის მისაღწევად, ორგანიზაცია თბილისსა და საქართველოს 10 რეგიონში ჩაატარებს ტრეინინგებს დამსაქმებლების, დასაქმებულების და ახალგაზრდებისთვის.

„პროექტი „გენდერული თანასწორობის ხელშეწყობა სამუშაო ადგილებზე“ განხორციელდება 30 თვის განმავლობაში და საზოგადოებას პერიოდულად მიეწოდება ინფორმაცია პროექტის მიმდინარეობისა და დაგეგმილი ღონისძიებების შესახებ“,– აცხადებენ ორგანიზაციაში .

[sknews.ge]