ცირა მესხიშვილი: რელიგია პოლიტიკური სპეკულაციის საგანი არ უნდა გახდეს

ასოციაცია 2001 წელს დაფუძნდა. ორგანიზაცია ადამიანის უფლებათა კუთხიტ მუშაობს და ბოლო რამდენიმე წელია მუსლიმანი მესხების თემაზე არაერთი პროექტი განახორციელა.

- ’რელიგია პოლიტიკური სპეკულაციის საგანი არ უნდა გახდეს. ყველა რელიგიას პატივი უნდა ვცეთ, არ უნდა შეილახოს არცერთი მხარის ინტერესი. აუცლებელია ხალხს ჰკითხონ და ოქროს შუალედი გამონახონ’, - გვეუბნება ასოციაცია ’ტოლერანტის’ თავმჯდომარე, ისტორიკოსი ცირა მესხიშვილი.

რაც შეეხება ნაცვალგების პრინციპს, ’ტოლერანტში’ ამბობენ, რომ ტაო-კლარჯეთში არსებული ჩვენი ძეგლების აღსადგენად ყველანაირ დათმობაზე უნდა წავიდეთ.

მესხიშვილი ახლციხეში მცხოვრებ მუსლიმან მესხებზე დაუბრობს და ამბობს, რომ შიში, რომ მეჩეთების მშენებლობით ქვეყანაში რელიგიური დაპირისპირებების საფრთხე შეიძლება გაჩნდეს, უსაფუძვლოა.

- ’ჩვენს კუთხეში მუსლიმანი მოსახლეობა მცირე რაოდენობითაა. მათ მთავრობასთან სალოცავების კუთხით არანაირი პრეტენზიები არ აქვთ. შეიძინეს ფართი თავისი ხარჯებით და იქ მოაწყვეს სალოცავი. მათ ჰყავთ თავისი მოძღვარი, ერთი ახალციხეშია, ერთი აჭარიდან ჩამოდის ხოლმე. ისინი ხელს არავის არ უშლიან’, - ამბობს ცირა მესხიშვილი და აქვე ამატებს, რომ სალოცავებთან დაკავშირებით პრობლემა არც ადიგენშია: ’ადიგენის რაიონის სოფლებში აჭარელი მოსახლეობის ნაწილი მუსლიმანია. მათ თავისი სალოცავები აქვთ და მოძღვარი ჰყავთ’.

შეგახსენებთ, ბოლო რამდენიმე დღეა აქტიურად განიხილება ბათუმში მეჩეთის მშენებლობის საკითხი. ერთი ვერსიით, მეჩეთის აშენების სანაცვლოდ თურქეთში არსებული ქართული ძეგლები აღდგება და ამ პროცესში ქართველი არქიტექტორებიც ჩაერთვებიან. გასულ წელს ბათუმის აზიზიეს მეჩეთტან ერთად, საუბარი იყო ახალციხეში, აზი ახმედ ფაშას მეჩეთის აღდგენაზეც, თუმცა, ახალციხის ისტორიული უბნის რაბათის რეაბილიტაციის ფარგლებში ახმედ ფაშას მეჩეთი გასულ წელს, ზაფხულში აღადგინეს.

[ნინო ზედგინიძე, ახალციხე]