ცირა მესხიშვილი: ‘ქუჩური, ძველბიჭური მენტალიტეტი უნდა მოვიშოროთ’

არასამთავრობო ორგანიზაცია „ტოლერანტის“ ხელმძღვანელი ცირა მესხიშვილი მიიჩნევს, რომ იმ ახალგაზრდებმა, რომლებმაც ხორავას ქუჩაზე მომხდარი საქმის დეტალები იციან გამოძიებასთან უნდა ითანამშრომლონ.

„მიხარია, რომ დღეს აქ ახალგაზრდები ხართ შეკრებილი. მახსოვს 2012 წელს, როცა ქვეყანაში ადამიანის უფლებების დარღვევის ფაქტს ვაპროტესტებდით პლაკატებით ხელში მხოლოდ რვა კაცი ვიდექით. მაშინ გარეთ გამოსვლას ვერავინ ბედავდა, ახლა კი ასე აღარაა. მიხარია, რომ თქვენ პროტესტს ასე აფიქსირებთ“, – მიმართა მესხიშვილმა აქციის მონაწილეებს.

ახალციხეში ზაზა სარალიძის მხარდამჭერი აქცია შოთა რუსთაველის ძეგლის მიმდებარე ტერიტორიაზე, სკვერში იმართება.

[sknews.ge]