ახალციხის ბიუჯეტი 5.624.670 ლარით გაიზარდა [ინფოგრაფიკა]

როგორც ახალციხის თემში განმარტავენ, ბიუჯეტის მნიშვნელოვანი ზრდა ქონების გადასახადიდან შესულმა თანხებმა განაპირობა.



გადასახადების მუხლში თანხის ოდენობამ 5.350.000 ლარი შეადგინა. მათ შორის, გაიზარდა საშემოსავლო გადასახადი მეწარმე ფიზიკურ პითა საქმიანობიდან მიღებული შემოსავლები 50.000 ლარით, ქონების გადასახადი – 5. 251.000 ლარით, ხოლო არაფინანსური აქტივობების კლების მუხლი 49.000 ლარით.

„წელს სამ მილიონზე მეტი ქონების გადასახადი სოფელ ზიკილიის თავზე მდებარე ქვესადგურ „ახალციხიდან“ შემოვიდა“, – განმარტავს ახალციხის მუნიციპალიტეტის გამგეობის საფინანსო–საბიუჯეტო სამსახურის უფროსი გელა ლომიძე.

გარდა ამისა, 274.670 ლარი დაემატა რეგიონში განსახორციელებელი პროექტების ფონდში.

აღნიშნული ცვლილების შემდეგ, ახალციხის მუნიციპალიტეტის ბიუჯეტი 14.220.600 ლარია. რეგიონებში განსახორციელებელი პროექტების ფონდში კი თანხამ 2.327.541 ლარი შეადგინა.

ადგილობრივ თვითმმართველობაში განმარტავენ, რომ გაზრდილი შემოსავლების 97% ინფრასტრუქტურული პროექტების განხორციელებას მოხმარდება.

ადგილობრივ თვითმმართველობას ხარჯიც გაეზარდა. ზრდამ 5.624.670 ლარი შეადგინა.

[თინათინ ზაზაძე, ახალციხე]