ახალციხის მუნიციპალიტეტის ბიუჯეტი 5.076.700 ლარია

2014 წელს ახალციხის მუნიციპალიტეტის ბიუჯეტი 3.900.000 ლარი იყო, 2015 წელს კი ეს თანხა 5.076.700 ლარით განისაზღვრა.

საფინანსო–საბიუჯეტო სამსახურის უფროსის გელა ლომიძის განმარტებით, ბიუჯეტი საკუთარი შემოსავლებით 1.155.720 ლარით გაიზარდა, 280.400 ლარი სახელმწიფო ბიუჯეტიდან გამოიყო ინფრასტრუქტურული პროექტების განსახორციელებლად.

„საკუთარი შემოსავლები ძირითადად გაიწერა გზების რეაბილიტაციისთვის 75.800 ლარი. 151.600 ლარი კი მოხმარდება სასმელი წყლების რეაბილიტაციასა და ახალი წყლების გამოყვანას. აღებულია ვალდებულება წინა წლისა და მრავალწლიანი პროექტების დასასრულებლად და დანარჩენი თანხები გაწერილია იმ მუხლებში“, – განმარტავს გელა ლომიძე.

[თინათინ ზაზაძე, ახალციხე]