ხანძარმა ვალეში კრმაჯიანები შემოსავლის გარეშე დატოვა

რვა სული მსხვილფეხა პირუტყვი და ცხრა ღორი, ასევე საქონლის სადგომში მოთავსებული თივა და სოფლის მეურნეობისათვის გამოსაყენებელი ინვენტარი -ეს არსარული ჩამონათვალია იმისა, რაც 26 იანვარს გამთენიისას გაჩენილი ხანძრის შედეგად კრმაჯიანებს გაუნადგურდათ.

ოთხსულიან ოჯახში დასაქმებული არავინაა. ამბობენ, რომ მათი ერთადერთი შემოსავალი და თავის რჩენის წყარი შინაური პირუტყვი იყო:
„ალბათ ზარალმა 30 000 ლარს გადააჭარბა, თუ გამგეობა არ დაგვეხმარა შიმშილი მოგვიწევს. 1981 წლიდან მხოლოდ პირუტყვსა და შინაურ ცხოვლეზე ვართ დამოკიდებული, ახლა რა უნდა ვაკეთო არ ვიცი“ , – ამბობს ვართან კრმაჯიანი.

რას შეიძლება გაეჩინა ხანძარი კრმაჯიანებმა არ იციან. ფიქრობენ, რომ ეს ელექტროგაყვანილობის მიზეზით არ უნდა მომხდარიყო: „ჩხუბი და უთანხმოებაც არ მქონია არავისთან, რომ მტრები მყოლოდა“.

ვართან კრმჯიანი „სამხრეთის კარიბჭესთან“ 26 იანვრის დილას იხსენებს და ამბობს, რომ ძლიერი აფეთქების ხმამ გააღვიძა: „გაზის ბალონი აფეთქდა, იქ ყველის გასაკეთებელი გვქონდა მოწყობილი და ბალონი იმიტომ გვედგა. გარეთ რომ გამოვედი შენობა უკვე ცეცხლში იყო გახვეული. ვეღარ მოვახერხე საქონლის გადარჩენა. ბოსლის კარები რომ გავაღე ერთი ძროხა იქვე დამხვდა გაგუდული. იმასაც ვეღარაფერს ვუშველიდი და ამიტომ ყელი გამოვჭერი“.

კრმაჯიანებისთვის მიყენებულ ზარალს ახალციხის მუნიციპალიტეტის გამგეობაში შექმნილი „2017 წლის ბიუჯეტიდან, სოციალური დახმარების მიზნობრივად გაცემის სამუშაო ჯგუფი“ ითვლის. თვითმმართველობაში აცხადებენ, რომ რეაგირება მომხდარზე მხოლოდ ზარალის დათვლის შემდეგ შეეძლებათ. თუმცა, რა რაოდენობა შეიძლება იყოს თვთმმართველობიდან გაწეული თანხა ამას ახალციხის მუნიციპალიტეტის გამგეობაში ვერ აკონკრეტებენ.

შეგახსენებთ, რომ ხანძარი კრმანჯიანების საქონლის სადგომში 26 იანვარს განჩდა. მომხდარს შსს სისხლის სამართლის კოდექსის 188–ე მუხლით დაიწყო, რაც გაუფრთხილებლობით ნივთის დაზიანებას ან განადგურებას გულისხმობს.










[ლუბა გიორგაძე, ახალციხე]