ხვალ ახალციხეში მოხალისეობის ფორუმი გაიმართება [R]

მოხალისეობის პოპულარიზაციისა და ხელშეწყობისათვის ფორუმი 19 ივნისს 12:00 საათზე სამცხე-ჯავახეთის სახელმწიფო უნივერსიტეტის პირველ კორპუსში (შოთა რუსთაველის 106, ახალციხე)გაიმართება.

მასში მონაწილეობას 16 ორგანიზაცია მიიღებს, მათ შორის ადგილობრივი არასამთავრობო ორგანიზაციების, თვითმართველობის, ბიზნესისა და მედიასაშუალებების წარმომადგენლები.

მოხალისეობის ფორუმი ორგანიზებულია "დემოკრატ მესხთა კავშირის" მიერ, განათლების განვითარების და დასაქმების ცენტრის მხარდაჭერით და "სამოქალაქო საზოგადოების განვითარების ინიციატივის" (2017 -2020) ფარგლებში.

ინიციატივა მიზნად ისახავს საქართველოში სამოქალაქო საზოგადოების გარემოს გაუმჯობესებას, საზოგადოებრივი ორგანიზაციების გაძლიერებას, მათი ანგარიშვალდებულების გაზრდას მოქალაქეების მიმართ და კავშირების განმტკიცებას სხვა აქტორებთან.

45 თვის განმავლობაში "სამოქალაქო საზოგადოების განვითარების ინციატივა" ითვალისწინებს 110-ზე მეტი აქტივობის განხორციელებას და 80-მდე გრანტის გაცემას. ინიციატივის ღონისძიებებში სამოქალაქო საზოგადოების სულ მცირე 2 500 წარმომადგენელი ჩაერთვება მთელი საქართველოს მასშტაბით.

პროექტი დაფინანსებულია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

საკონტაქტო ინფორმაცია:

გიორგი ანდღულაძე, დემოკრატ მესხთა კავშირი/ აღმასრულებელი დირექტორი

+995551 54 02 91 / gandguladze@gmail.com

სამოქალაქო საზოგადოების განვითარების ინიციატივა

https://www.facebook.com/CSSIGE/