მათგან, ვინც პარტიაც აირჩია და მაჟორიტარიც, 12%–მა სხვადასხვა პოლიტიკურ სუბიექტს მისცა ხმა – NDI

მიუხედავად იმისა, რომ ცენტრალური საარჩევნო კომისიის მონაცემებით, პირველი ტურის აქტივობა 51.6 პროცენტი იყო, NDI-ის მიერ გამოკითხულთა 74% ამბობს, რომ არჩევნების პირველ ტურში მონაწილეობა მიიღო, 26% კი ამბობს რომ არ მიუღია. თუმცა ეს რიცხვი გაცილებით დაბალია (62 პროცენტი) 18-35 წლის ასაკის მოსახლეობაში, ვიდრე 56+ მოქალაქეებში (86 პროცენტი)

იმ 71%–დან, ვინც ამბობს, რომ არჩევნებში ორივე ბიულეტენზე დააფიქსირა არჩევანი, 85% ამბობს, რომ ერთსა და იმავე საარჩევნო სუბიექტს/პარტიას მისცა ხმა; 12% კი ამბობს, მის მიერ არჩეული პარტია და მაჟორიტარი ერთ პოლიტიკურ ძალას არ წარმოადგენდნენ. (აირჩია სხვა პარტია და სხვა პარტიის მაჟორიტარი).



მათგან, ვინც არჩევნების პირველ ტურში მონაწილეობა მიიღო, 96% ამბობს, რომ საარჩევნო უბანი უსაფრთხო და მოწესრიგებული იყო; 92% ამბობს, რომ არჩევნებზე პასუხისმგებელი პირები კარგად იყვნენ მომზადებული; 17% კი ამბობს, რომ უბანი გაჭედილი იყო და გაურკვეველი იყო რომელი ბიულეტენი უნდა გამოგეყენებინა.

პირველ ტურში მონაწილეობა მიიღო –74%; არ მიუღია –26%;

მეორე ტურში მონაწილეობა მიიღო – 46%–მა; არ მიუღია – 31%–ს. 24% ამბობს, რომ მის უბანში მეორე ტური არ იყო.

პირველ ტურში მონაწილეობა მიიღო კაცების 78% და ქალების 71%–მა;

მეორე ტურში მონაწილეობა მიიღო კაცი ამომრჩევლების 50%–მა და ქალი ამომრჩევლების 42%–მა;

ახალციხეში, მაგალითად, პირველსა და მეორე ტურში მონაწილეთა რაოდენობა თითქმის თანაბარია, – პირველი ტური – 77%, მეორე ტურში – 74%;

როგორ ჩაატარეს არჩევნები შესაბამისმა ორგანოებმა (ცესკო, საოლქო და საუბნო კომისიები)

პირველი ტური, – კარგად – 47%, საშუალოდ – 36%; ცუდად –6%;

მეორე ტური, – კარგად – 39%, საშუალოდ – 31%; ცუდად –5%;

ხმის მიცემა ელექტრონულად

გამოკითხულთა 59% ამბობს, რომ დაუჭერდა მხარს ხმის ელექტრონულად მიცემას, როდესაც ხალხი საარჩევნო უბანზე მიდის და ქაღალდის ბიულეტენის ნაცვლად კომპიუტერის გამოყენებით აძლევს ხმას, 31% კი ამბობს, რომ ხმის ელექტრონულად მიცემას მხარს არ დაუჭერდა.



ეროვნულ-დემოკრატიულმა ინსტიტუტმა (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების მეორე, პოლიტიკური ნაწილი ნაწილი დღეს წარადგინა.

გამოკითხვა 2016 წლის 4 ნოემბერი-4 დეკემბრის პერიოდში, საქართველოს მასშტაბით 3,141 პირისპირ ინტერვიუს წარმომადგენობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1,8%. NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს CRRC-საქართველო.

[ნინო ნარიმანიშვილი, ახალციხე]