ბორჯომში, მეორე ტურში, ამომრჩეველთა 52,9%–მა მიიღო მონაწილეობა

20:00 საათის მონაცემებით, ბორჯომში 14 030-მა ამომრჩეველმა მისცა ხმა, რაც ამომრჩეველთა საერთო რაოდენობის 52,9%–ია.

N36 ბორჯომის საოლქო–საარჩევნო კომისიის თავმჯდომარე ლევან დევიძე ამბობს, რომ ბორჯომში ყველა უბანი რვა საათზე დაიხურა. მისი შეფასებით, არჩევნებმა მშვიდ ვითარებში ჩაიარა. ოლქში შესული საჩივრები კი პროცედურულ დარღვევებს ეხება და ისინი გავლენას ვერ მოახდენენ შედეგებზე.

ბორჯომის საარჩევნო უბნებზე ბიულეტენების დათვლას იწყებენ.

შეგახსენებთ, დღეს ბორჯომში, ისევე, როგორც თვითმმართველ ქალაქ ქუთაისსა და 5 თვითმმართველ თემში - მარტვილში, ბორჯომში, ოზურგეთში, ხაშურსა და ყაზბეგში, ადგილობრივი თვითმმართველობის არჩევნების მეორე ტური იყო.

ბორჯომში მერობისთვის „ქართული ოცნების“ კანდიდატი ლევან ლიპარტია და „პატრიოტთა ალიანსის“ კანდიდატი ზაზა ჩაჩანიძემ იბრძვიან, რომელთა შორის, პირველ ტურში, სხვაობა 24 ხმა იყო (50.35% – ლიპარტია; 50.15% – ჩაჩანიძე.

[sknews.ge]