ჟურნალისტი, რომელიც ცემაში პოლიციელს ადანაშაულებს, მთავარი პროკურორს შეხვდა

ჟურნალისტი გიორგი გასვიანი საქართველოს მთავარ პროკურორს მის მოადგილესთან და ასევე სამცხე–ჯავახეთის საოლქო პროკურორთან მალხაზ კაპანაძესთან ერთად შეხვდა. გასვიანის თქმით, შეხვედრის ინიციატივა თავად შოთაძის მხრიდან წამოვიდა. როგორც ჟურნალისტი ამბობს, მთავარმა პროკურორმა მისი საქმის ყველა დეტალი იცის და მომხდარის ბოლომდე გამოძიების პირობას დებს.

„მითხრა, რომ ამ პოლიციელს ხესლ არავინ დააფარებს, და მომხდარს ისე გამოიძიებენ როგორც საჭიროა“, – ამბობს გასვიანი.

შოთაძესთან შეხვედრამდე, რამდენიმე დღით ადრე გიორგი გასვიანი სამცხე–ჯავახეთიოს საოლქო პროკურატურამ დაზარალებულად ცნო.
შეგახსენებთ, რომ ჟურნალსიტი ბორჯომში პოლიციელს ცემაში ადანაშაულებს, მომხდარზე ძიება კი სისხლის სამართლის კოდექსის ორი მუხლით მიმდინარეობს.

შეგახსენებთ, რომ ტელეკომპანია „იბერიას“ ჟურნალისტი გიორგი გასვიანი ბორჯომელ პოლიციელს ცემაში ადანაშაულებს.საქმეზე ძიება საქართველოს სისხლის სამართლის კოდექსის 126-ე მუხლის პირველი ნაწილით დაიწყო, რაც ძალადობას გულისხმობს და ისჯება თავისუფლების შეზღუდვით ვადით ორ წლამდე ან თავისუფლების აღკვეთით ვადით ერთიდან სამ წლამდე. საქართველოს პროკურატურის ინფორმაციით ძიებას კიდევ ერთი 333-ე მუხლის მე-3 ნაწილის „ბ“ ქვეპუნქტი დაემატა, რაც სამსახურეობრივი უფლებამოსილების გადამეტებას ძალადობით ან იარაღის გამოყენებით გულისხმობს.

[თამუნა უჩიძე, ახალციხე]