ბორჯომელ პოლიციელს, რომელსაც ჟურნალისტი ცემაში ადანაშაულებს, უფლებამოსილება შეუჩერდა

ამის შესახებ "სამხრეთის კარიბჭეს" შინაგან საქმეთა სამინისტროში განუცხადეს.

"გამოძიების დასრულებამდე, პირადი პატაკის საფუძველზე გადაყვანელია კადრების განკარგულებაში", – გვითხრეს შსს–ს საზოგადოებასთან ურთიერთობის სამსახურში;

შეგახსენებთ, რომ ტელეკომპანია „იბერიას“ ჟურნალისტი გიორგი გასვიანი ბორჯომელ პოლიციელს, მიშა ხუციშვილს ცემაში ადანაშაულებს. ინციდენტი 18 დეკემბერს მოხდა. მაშინ, როდესაც ჟურნალისტი, ბორჯომში, სასტუმრო ‘ქრაუმ პლაზაში’ სემინარზე მიდიოდა.

მომხდარს სამცხე–ჯავახეთის საოლქო პროკურატურა საქართველოს სისხლის სამართლის კოდექსის 126-ე მუხლის პირველი ნაწილით და 333-ე მუხლის მე-3 ნაწილის „ბ“ ქვეპუნქტით იძიებს.

[sknews.ge]