სამცხე–ჯავახეთში, მეორე ტურში, ზურაბიშვილმა ყველაზე მეტი უბანი ახალციხეში წააგო

პირველ ტურში პრეზიდენტობის კანდიდატმა სალომე ზურაბიშვილმა ახალციხის 35 უბნიდან რვა წააგო. აქედან შვიდი უბანი ქალაქშია: N1 ახალციხის, N5 ახალციხის, N6 ახალციხის, N7 ახალციხის, N8 ახალციხის, N30 ახალციხის, N31 ახალციხის და N34 სხვილისის.

მეორე ტურში, ახალციხის მუნიციპალიტეტში ზურაბიშვილის მიერ წაგებული უბნების რაოდენობა ერთით გაიზარდა, მათ შორის ქალაქის სამი უბანის შედეგები უცვლელი დარჩა: N1 ახალციხის, N5 ახალციხის და N30 ახალციხის. რაც შეეხება სხვა უბნებს, სადაც ვაშაძემ მოიგო, მათი ჩამონათვალი ასეთია: N4 ახალციხის, N6 ახალციხის, N8 ახალციხის, N9 ვალის, N20 სვირის, N33 ვალის.

რაც შეეხება ადიგენს, პირველ ტურში ზურაბიშვილმა ორი უბანი წააგო და ორივე ყოფილი შს მინისტრის ვანო მერაბიშვილის სოფელ უდეში – N12 და N16 – იყო. მეორე ტურში ზურაბიშვილის მიერ წაგებული უბნების რაოდენობა ხუთამდე გაიზარდა. მათ შორის უდეს ორივე უბანი უცვლელი დარჩა, დანარჩენი უბნებია N3 არლის N3, N15 ჭეჭლის, N17დერცელის.

პირველ ტურთან შედარებით ზურაბიშვილის მიერ წაგებული უბნების რაოდენობა შემცირებულია ახალქალაქში. პირველ ტურში აქ ზურაბიშვილმა ხუთი უბანი წააგო: N13 მაჭატიის, N42 კოთელიის, N51 ოკამის, N65 ხორენიის და N69 კუმურდოს. ამ ჩამოთვლილი უბნებიდან მეორე ტურში მან ყველა მოიგო, თუმცა წააგო ორი უბანი. ესენია: N35 კულიკამის და N37 ხულგუმოს.

ასპინძის ოლქში პირველ ტურში ზურაბიშვილმა თოკის N6 და ხერთვისის N17 უბანი წააგო, მეორე ტურში მან თოკში არჩევნები მოიგო, ხერთვისში კი ისევ დამარცხდა.

ბორჯომში პირველ ტურში „ქართული ოცნების“ მხარდაჭერილმა კანდიდატმა მხოლოდ N6 უბანი უბანი წააგო, მეორე ტურში კი ისიც მოიგო.
რაც შეეხება ნინოწმინდას, აქ პირველ და მეორე ტურშიც გრიგოლ ვაშაძემ ყველა უბანი წააგო.

სამცხე–ჯავახეთში არჩევნების მეორე ტურში 83 969 ამომრჩეველი მივიდა, აქედან 52 333 ხმა სალომე ზურაბიშვილმა მიიღო, 31 636 ხმა კი გრიგოლ ვაშაძემ.

[sknews.ge]