ახალციხის მერს 15 057 ამომრჩეველი აირჩევს

8 ოქტომბრის რიგგარეშე არჩევნებზე, მერის კანდიდატისათვის ხმის მიცემა მხოლოდ ქალაქ ახალციხეში რეგისტრირებულ პირებს შეეძლებათ. მერის არჩევნებზე საკუთარ პოზიციას 15 057 ამომრჩეველი დააფიქსირებს.
რიგგარეშე არჩევნებისათვის, ხმის მიცემა ქალაქის მასშტაბით სულ 13 უბანზეა შესაძლებელი.

№ 01 საარჩევნო უბანი – მესხეთის სახელმწიფო თეატრი – თამარ მეფის ქუჩა #36;
№ 02 საარჩევნო უბანი – № 4 საბავშვო ბაღი – მიხეილ იაძის ქუჩა №12;
№ 03 საარჩევნო უბანი – № 2 საჯარო სკოლა – ასპინძის ქუჩა №18;
№ 04 საარჩევნო უბანი – №6 საჯარო სკოლა – პეტრე იბერის ქუჩა №2;
№ 05 საარჩევნო უბანი – ახალციხის ციხე – პეტრე ხარისჭირაშვილის ქუჩა №1;
№ 06 საარჩევნო უბანი – №2 საბავშვო ბაღი – მიხეილ თამარაშვილის ქუჩა №39;
№ 07 საარჩევნო უბანი – №4 საჯარო სკოლა – დავით აღმაშენებლის ქუჩა №63;
№ 08 საარჩევნო უბანი – უნივერსიტეტის II კორპუსი – შოთა რუსთაველის ქუჩა №120;
№ 28 საარჩევნო უბანი –ახალციხის №3 საჯარო სკოლა – შოთა რუსთაველის ქუჩა №12;
№ 29 საარჩევნო უბანი – ახალციხის № 6 საბავშვო ბაღი – ივერიელის ქუჩა № 48;
№ 30 საარჩევნო უბანი – ახალციხის №1 საბავშვო ბაგა–ბაღი – ვარძიის ჩიხი, № 4;
№ 31 საარჩევნო უბანი – პროფესიული კოლეჯი „ოპიზარი“ – შოთა რუსთაველის ქუჩა №106;
№ 32 საარჩევნო უბანი – ახალციხის №3 საბავშვო ბაგა–ბაღი – პაატა მიქუტიშვილის ქუჩა №10

13 საარჩევნო უბნიდან შშმ პირებისათვის ადაპტირებულია მხოლოდ სამი მათგანი: №01, №08 და №13 საარჩევნო უბნები, სადაც სპეციალური პანდუსებია მოწყობილი.

2016 წლის 8 ოქტომბრის რიგგარეშე არჩევნებზე ახალცხის მერობის კანდიდატად კენჭს მხოლოდ მამაკაცები იყრიან. ქალაქის მოსახლეობამ არჩევანი ხუთ კანდიდატს შორის უნდა გააკეთოს. მათგან დამოუკიდებელი ანუ საინიციატივო ჯგუფის მიერ წარდგენილი კანდიდატი არცერთია.

მერობის კანდიდატები არიან:
N1 ივანე გვარამაძე – "პაატა ბურჭულაძე – სახელმწიფო ხალხისთვის“;
N5 ირაკლი ერეკლიშვილი – ბლოკი "ერთიანი ნაციონალური მოძრაობა“;
N8 ბესიკ ტაბატაძე – "საქართველოს პატრიოტთა ალიანსი“;
N26 ჯუმბერ ინასარიძე – პარტია "ეროვნული ფორუმი“;
N41 ვლადიმერ ზედგინიძე – პარტია "ქართული ოცნება“.

N37–ე ახალციხის ოლქში, მერის რიგგარეშე არჩევნები იმის გამო დაინიშნა, რომ 8 ოქტომბრის საპარლამენტო არჩევნებში, "ქართულმა ოცნებამ“ ახალციხე–ადიგენის საარჩევნო ოლქში მაჟორიტარობის კანდიდატად ყოფილი მერი, გიორგი კოპაძე დაასახელა. პარტიამ იგი ოფიციალურად 7 აგვისტოს წარადგინა, 9 აგვისტოს კი გიორგი კოპაძემ მერის პოსტი დატოვა.

რიგგარეშე არჩევნებისათვის შესაბამისი განკარგულება საქართველოს პრეზიდენტმა, გიორგი მარგველაშვილმა 19 აგვისტოს გამოსცა.
საარჩევნო კოდექსის მიხედვით, 8 ოქტომბერს არჩეული ახალი მერი, თანამდებობაზე ქალაქ ახალციხის საკრებულოს უფლებამოსილების დარჩენილი ვადით იმუშავებს.

[თაკო ფეიქრიშვილი, ახალციხე]