9 ოქტომბრის 07:00 საათის მონაცემები – სამცხე–ჯავახეთში მეორე ტურებს ელიან

ახალციხის საოლქო კომისიაში საარჩევნო უბნებიდან შემაჯამებელი ოქმების წარდგენა 9 ოქტომბერს, დილის 06:40 საათზე დასრულდა. მიღებული მონაცემების მიხედვით, 2016 წლის 8 ოქტომბრის ახალციხის მერის რიგგარეშე არჩევნებში, „ერთიანი ნაციონალური მოძრაობის“ კანდიდატმა ირაკლი ერეკლიშვილმა „ქართული ოცნების“ კანდიდატს ვლადიმერ ზედგინიძეს, 13 საარჩევნო უბნიდან, 11 მოუგო.

ჯერ ხმათა რაოდენობა დაჯამებული არ არის, თუმცა, სავარაუდოდ, მერის არჩევნებში მეორე ტური დაინიშნება.

შეგახსნებთ ახალციხეში მერის არჩევნები იმის გამო დაინიშნა, რომ ყოფილი მერი ახალციხე–ადიგენის ოლქში მაჟორიტარ კანდიდატად დაასახელა "ქართულმა ოცნებამ". მერის არჩევნებში ხუთი კანდიდატი მონაწილეობდა.

რაც შეეხება საპარლამენტო არჩევნების შედეგებს, 2016 წლის 8 ოქტომბრის საპარლამენტო არჩევნებში, „ერთიანი ნაციონალური მოძრაობის“ კანდიდატმა ვაჟა ჩიტაშვილმა „ქართული ოცნების“ კანდიდატს გიორგი კოპაძეს, ახალციხის ოლქში, 35 საარჩევნო უბნიდან, 26 უბანი მოუგო.

ჯერ ხმათა რაოდენობა დაჯამებული არ არის, ასეევე, ჯერ უცნობია ადიგენის საარჩევნო უბნების მონაცმები, თუმცა, მოსალოდნელ მეორე ტურზე ამ შემთხვევაშიც საუბრობენ.

შეგახსნებთ, 8 ოქტომბერს საქართველოში მე–9 მოწვევის პარლამენტის არჩევნები ჩატარდა.

აქვე, როგორც მერის, ასევე, მაჟორიტარის შემთხვევაში, გამარჯვებულად ის კანდიდატი ითვლება, რომელიც ხმათა 50% + 1–ს დააგროვებს.

[sknews.ge]