თეა წულუკიანი ვალეში საზოგადოებრივ ცენტრს გახსნის

ვალეში საზოგადოებრივი ცენტრის მშენებლობა მიმდინარე წლის 14 მაისს დაიწყო. სამშენებლო სამუშაოებისთვის 445.000 ლარი დაიხარჯა.

სამშენებლო სამუშაოები თეა წულუკიანმა 1 აგვისტოს მოინახულა, როგორც მაშინ იუსტიციის მინისტრმა განაცხადა, ოთხი წლის განმავლობაში საქართველოში 27 საზოგადოებრივი ცენტრი გაიხსნა. ქვეყნის მასშტაბით კიდევ 10 საზოგადოებრივი ცენტრის მშენებლობა მიმდინარეობს.

შეგახსენებთ, რომ „ერთიანი ნაციონალური მოძრაობის“ აქტივის ტები დღეს დილიდან აცხადებენ, რომ მინისტრის ვიზიტთან დაკავშირებით ვალეში ოპოზიციური პარტიების პლაკატები შეგნებულად დახიეს. უმცირესობა მომხდარში „ქართული ოცნების“ აქტივისტებს ადანაშაულებს.

[თინათინ ზაზაძე, ახალციხე]