ბორჯომში მოკლული პოლიციელის შვილი სკოლაში შს მინისტრმა წაიყვანა

როგორც შინაგან საქმეთა სამინისტროში აცხადებენ, ტრადიციად დამკვიდრდა, რომ შსს-ს დაღუპული თანამშრომლების უმცროსლკასელ შვილებს მინისტრი და სამინისტროს ხელმძღვანელი პირები სასწავლო წლის დაწყებას პირადად მიულოცავენ, საჩუქრებს გადასცემენ და სკოლაში წაიყვანენ.

„ქუჩას, სადაც პატარა თამარს სკოლაში წასაყვანად მივაკითხე, მისი გმირი მამის სახელი ჰქვია, მამის, რომლის სიცოცხლე კრიმინალის ტყვიამ იმსხვერპლა...ჩემთვის ძალიან მძიმე იყო ამ ქუჩის გავლა, მძიმეა ის პასუხისმგებლობა, რომ ცხოვრების ამ უმნიშველოვანეს ეტაპზე გიორგის მაგივრად მისი შვილი სკოლაში პირველად მე წავიყვანე“, - განაცხადა შინაგან საქმეთა მინისტრმა გიორგი მღებრიშვილმა.

შსს-ს სამცხე-ჯავახეთის სამხარეო მთავარი სამმართველოს ბორჯომის რაიონული სამმართველოს უბნის ინსპექტორ-გამომძიებელი გიორგი ბერუაშვილი 2015 წლის 23 იანვარს ლიკანში, სამსახურებრივი მოვალეობის შესრულების დროს, მეწყვილესთან ერთად პატრულირებისას, წარსულში მრავალჯერ ნასამართლევმა პირმა ცეცხლსასროლი იარაღიდან რამდენიმე გასროლით დაჭრა. თუმცა, მდგომარეობის სიმძიმის გამო, გიორგი ბერუაშვილი გარდაიცვალა.



[sknews.ge]