გიორგი ბერუაშვილის დაკრძალვას პრეზიდენტი და შს მინისტრი ესწრებიან

შსს-ს სამცხე-ჯავახეთის სამხარეო მთავარი სამმართველოს ბორჯომის რაიონული სამმართველოს უბნის ინსპექტორ-გამომძიებელს გიორგი ბერუაშვილს წმინდა ნიკოლოზის სახელობის ტაძრიდან გამოასვენებენ.

შეგახსენებთ, გიორგი ბერუაშვილი, 23 იანვარს, ლიკანში სამსახურებრივი მოვალეობის შესრულების დროს, პატრულირებისას, წარსულში მრავალჯერ ნასამართლევმა, ბორჯომში მცხოვრებმა, 1977 წელს დაბადებულმა შალვა აბულაძემ ცეცხლსასროლი იარაღიდან რამდენიმე გასროლით დაჭრა და მიიმალა. გიორგი ბერუაშვილი 6 თებერვალს, საავადმყოფოში გარდაიცვალა. ბერუაშვილის დაკრძალვის ხარჯები შსს–მ გაიღო.

გარდაცვლილის ოჯახს დღეს სამძიმარი გამოუცხადა საქართველოს პრემიერ–მინისტრმა ირაკლი ღარიბაშვილმა.

[ნინო ნარიმანიშვილი, ახალციხე]