'რესპუბლიკელებმა' ჯავახეთში მცხოვრებლებს მაჟორიტარობის კანდიდატი წარუდგინეს

ახალქალაქს რესპუბლიკური პარტიის სიის პირველი ნომერი, დავით უსუფაშვილი, პარტიის თავმჯდომარე ხათუნა სამნიძესთან და პოლიტიკურ მდივანთან, დავით ბერძენიშვილთან ერთად სტუმრობდა.

სააგენტო jnews.ge-ს ინფორმაციით, დავით უსუფაშვილმა ადგილობრივების პრობლემები მოისმინა და მათ პარტიის პრიორიტეტებზე ესაუბრა.

"რესპუბლიკურმა პარტიამ" თავის პროგრამაშიც ჩაწერა და ჩენ ღიან ვაცხადებთ, რომ ის ვალდებულებები, რაც საქარველომ 1999 წელს, ევროსაბჭოში გაწევრიანებისას აიღო, შესრულდება. მე იმედი მაქვს, რომ პარლამენტში, რომელსაც 8 ოქტომბერს ავირჩევთ, ჩვენი ინიციატივით, ენების შესახებ ევროპული ქარტიის რატიფიცირებაც მოხერხდება. "რესპუბლიკური პარტია" მიიჩნევს, რომ ერთის მხრივ, მთელი ქვეყნის ტერიტორიაზე, ქართულის, როგორც სახელმწიფო ენის სტატუსი უნდა იყოს მძლავრი და მოქმედი. მაგრამ, მეორე მხრივ, სომხურ ენა, აქ, ჯავახეთში, მიიღებს იმ შესაძლებლობებს, რაც გააჩნია და კიდევ უფრო მეტს", – განაცხადა დავით ბერძენიშვილმა.



პარტიის ლიდერებმა სხვა უფლებებზეც ისაუბრეს, როგორიცაა მაგალითად, უფლება სასმელი წყალზე და უფლება თავს გრძნობდე ქვეყნის სრულუფლებიან მოქალაქედ. ასევე, ისაუბრეს უფლებაზე, თავისუფლად მისცე ხმა ნებისმიერ პარტიას და შეეხნენ სპეცსამსახურების მუშაობას.

"რესპუბლიკური პარტიის" სია არ გაუკონტროლებია სპეცსამსახურს. გააკონტროლა აშოტმა, მისმა მეგობრებმა. პარტიის ხელმძღვანელობამ შექმნა ეს სია, ხათუნამ მოაწერა ხელი და მოგეცით შესაძლოებლობა აირჩიოთ თქვენი წევრები ჩვენს სიაში, და არა, სპეცსამსახურების მიერ შედგენილ სიაში, – ეს ერთი. მეორე, სპეცსამსახურები სჭირდება ქვეყანას, მაგრამ, არა პოლიტიკაში. ეს არის ჩვენი, თავისუფალი არჩევანი", – განაცხადა დავით უსუფაშვილმა.



[sknews.ge]