ბორჯომში სახელობითი დღესასწაულისთვის ემზადებიან

სახალხო დღესასწაულის აღნიშვნა 12:00 საათიდან დაიწყება.

თოჯინების თეატრი გამართავს პატარებისათვის სპექტაკლს, სახელწოდებით „ლიზიკოს ზღაპარი“. დასწრება მსურველებისათვის თავისუფალი იქნება.

13:00 საათზე, მერაბ კოსტავას სახელობის ბაღში, კულინარიული და ეთნოგრაფიული კუთხეები მოეწყობა, ასევე ხელნაკეთი ნივთებისა და ხალხური რეწვის ნიმუშების გამოფენა–გაყიდვა გაიმართება;

13:00 საათზე იუსტიციის სახლის მიმდებარე ტერიტორიაზე ქართული ჭიდაობასა და მკლავჭიდში შეჯიბრი დაიწყება;

14:00 საათზე მერაბ კოსტავას სახელობის ბაღში მოეწყობა ჩემპიონატი ჭადრაკსა და ნარდში;

15:00 საათზე იუსიტიის სახლის მიმდებარე ტერიტორიაზე, სამცხე–ჯავახეთის მასშტაბით, შემოქმედებითი ჯგუფების მონაწილეობით გაიმართება ფოლკლორული კონცერტი;

15:00 საათზე გაიმართება ქართული თამაშები – მშვილდოსნობა, სამჭიდი, ქვაჭილდაობა, შუბოსნობა;

19:00 საათზე ქართული ესტრადის ცნობილი მომღერლებისა და ჯგუფების მონაწილეობით გამართება გალა კონცერტი. ბორჯომს ესტუმრებიან: "ქუჩის ბიჭები", „ფორტე“, ნეკა სეფისკვერაძე, აჩიკო მეფარიძე, აჩიკო ნიჟარაძე.

21:00 საათზე – ჯგუფ ,,მგზავრების“ კონცერტია დაგეგმილი.

23:00 საათზე დღესასწაული ფეიერვერკით დასრულდება.

"ბორჯომობის“ დღესასწაულზე გალა–კონცერტი პროექტ check in Georgia-ს ფარგლებში გაიმართება.

როგორც ადგილობრივ თვითმმართველობაში განმარტავენ, "ბორჯომობის" დღესასწაულზე მუნიციპალური ტრანსპორტი უფასოდ იმოძრავებს.

უფასო "რეისები" განხორციელდება შემდეგი მიმართულებით:
► არდაგანი
► ყვიბისი
► ლიკანი
► ახალი უბანი
► კორტანეთი
► ცემი
► ტიმოთესუბნი
► საკირე
► ბაკურიანი

ავტობუსები მთელი დღის განმავლობაში უცვლელი განრიგით მოემსახურება მგზავრებს.

[თაკო ფეიქრიშვილი, ბორჯომი]