ვინ იმღერებს 'ბორჯომობის' დღესასწაულზე

"ბორჯომობა 2019" 17 აგვისტოს გაიმართება. დღესასწაულთან დაკავშირებით, კოსტავას ბაღში სპორტული აქტივობები და კულინარიული კუთხე იქნება წარმოდგენილი, ხოლო ცენტრალურ პარკში მუსიკალური და გასართობ-შემეცნებითი აქტივობები.

საღამოს ღონისძიებებს გალა-კონცერტი დაასრულებს, სადაც მონაწილეობას ესტრადის მომღერლები მიიღებენ: ნინი ქარსელაძე, მარიკა თხელიძე, აჩიკო ნიჟარაძე, ზვიად ბოლქვაძე, დავით გომართელი, გიგი ადამაშვილი და ჯგუფი „ნიუტონი“.

როგორც, ბორჯომის მუნიციპალიტეტში საინფორმაციო სააგენტო on.ge-სთან აცხადებენ, გალა კონცერტის მონაწილე მომღერლები შეირჩნენ გამოკითხვის შედეგად, რომელიც მერიის თანამშრომლებმა ჩაატარეს. მათივე ინფორმაციით, ის ფაქტი, რომ ნინი ქარსელაძე და მარიკა თხელიძე სახელისუფლებო პარტიის მხარდამჭერები არიან, „არაფერ შუაშია“.

სახალხო დღესასწაული „ბორჯომობა 2019“ ყოველწლიურად აგვისტოს თვეში იმართება.

დღესასწაულის პროგრამა ასეთია:

11: 00 საათი - მერაბ კოსტავას სახელობის ბაღში სპორტული შეჯიბრებებით (ჭიდაობა, მკლავჭიდი, ნარდი, ჭადრაკი, გეზრბენი);
12:00 საათი - კულინარიული კუთხე, სადაც ტრადიციული კერძები იქნება გამოფენილი.

ცენტრალურ პარკის ტერიტორიაზე:

13:00 საათი - კონცერტი ადგილობრივი ანსამბლების მონაწილეობით;
12:00 – 16:00 საათი – წიგნების ფესტივალი;
13:00 – 17:00 საათი – საბავშვო და ფოტოგადაღების კუთხეები;
13:00 – 16:00 საათი – ინსტრუმენტალური ტრიო, პოეზიის საათი;
14:00 – 21:00 საათი – სამეწარმეო მარკეტი;
19:00 საათი – საპატიო მოქალაქის დაჯილდოების ცერემონია.
20:00 საათი - გალა კონცერტი.

ბორჯომის მერიას ღონისძიების ორგანიზებაში მომსახურებას შპს „ჯეოტურისტ +“ გაუწევს. კომპანიამ ტენდერი 39 875 ლარად მოიგო.

[რობი ზარიძე, ბორჯომი]