‘ახალციხელობის’ დღესასწაულზე დაგეგმილი ღონისძიებების განრიგი

ახალციხეში სახელობითი დღესასწაული უკვე მეათედ აღინიშნება. ამ დღეს ქალაქში სხვადასხვა საზეიმო ღონისძიებებია დაგეგმილი.

09:00 საათზე შალვა ახალციხელის სახელობის მშენებარე ტაძარში სადღესასწაულო წირვა–ლოცვა აღევლინება.
11:00 საათზე პაატა ნათენაძისა და მერაბ კოსტავას ქუჩებზე გარბენი მოეწყობა, რომელშიც მონაწილეობას ახალციხის სასპორტო სკოლის მოსწავლეები მიიღებენ.
11:30 საათზე ახალციხის ციხის ტერიტორიაზე ქართულ ჭიდაობაში საქართველოს პირველობა გაიმართება.
12:00 საათზე ასევე ახალციხის ციხის ტერიტორიაზე დაიწყება შეჯიბრი ჭადრაკში.
12:00 საათიდან ქვედა ციხეზე მოეწყობა ქართული რეწვის ნიმუშებისა და ქართული სამზარეულოს გამოფენა – გაყიდვა.
13:00 საათზე გაიმართება შეჯიბრი ნარდში.
15:00 საათზე დაგეგმილია შეჯიბრი მკლავჭიდში.
18:00 საათზე ახალციხის ციხის ტერიტორიაზე მოწყობილ სცენას ადგილობრივი ფოლკლორული და ქორეოგრაფიული ანსამბლები და ინდივიდუალური შემსრულებლები დაიკავებენ.
19:00 საათზე ახალციხის მერიის წარმომადგენლები მთელი დღის განმავლობაში გამართული შეჯიბრებების გამარჯვებულებს დააჯილდოვებენ.
20:00 საათზე ახალციხის ციხის ამფითეატრში გალა კონცერტი გაიმართება. კონცერტში მონაწილეობას მიიღებენ: კვარტეტი „ალილო“, ზურაბ მანაგაძე, ზურაბ დოიჯაშვილი, ნუგზარ კვაშალი, მაკა ზამბახიძე, ტატო გოდერძიშვილი და თემურ ყვითელაშვილი.

„ახალციხელობის“ აღნიშვნა ფეიერვერკით დასრულდება. დღესასწაულისთვის ადგილობრივი ბიუჯეტიდან 24 ათასი ლარი დაიხარჯება.

[თამარ თოთაძე, ახალციხე]