ახალციხის მერიაში 7 თვეში 212.297 ლარის პრემია და დანამატი გაიცა

როგორც ადგილობრივი თვითმართველობიდან გამოთხოვილ წერილში ვკითხულობთ, მერიასა და საკრებულოში პრემიები აპრილში, აღდგომის დღესასწაულთან დაკავშირებით გაიცა, ხელფასის ოდენობით, ჯამში 78.920 ლარი.

რაც შეეხება დანამატებს, საკრებულოში თანამშრომლებმა ხუთ თვეში: იანვარში, მარტში მაისში, ივნისსა და ივლისში, ჯამში 51.524 ლარი მიიღეს. მერიაში კი გაცილებით მეტი 81.855 ლარი.

უფრო კონკრეტულად საკრებულოს თავმჯდომარეს მიმდინარე წელს პრემის და დანამატის სახით 9.258 ლარი დაერიცხა. მის მოადგილეს 7.095 ლარი.

ახალციხის მერს მიმდინარე წელს დანამატი არ მიუღია. გიორგი კოპაძემ პრემიის სახით აპრილში 2.750 ლარი მიიღო. მერის ორმა მოადგილემ კი 7 თვეში 19.172 ლარის პრემია და დანამატი აიღეს.

[თინათინ ზაზაძე, ახალციხე]