87.000 ლარის პრემია და დანამატი ახალციხის მერიაში

ქალაქის მერის გიორგი კოპაძის წინასააღდგომო პრემიამ 2.750 ლარი შეადგინა. მისმა მოადგილეებმა ზაზა გელაძემ და ზაზა თამარაშვილმა პრემია და დანამატი ჯამში 8.102 ლარი მიიღეს.

ახალციხის მერიის სამსახურისა და განყოფილებების უფროსების პრემიამ და დანამატმა 38,987 ლარი შეადგინა. მთავარი და წამყვანი სპეციალისტებისამ კი, 23.120 ლარი.

უფროსის სპეციალისტისა და სპეციალისტის პრემია და დანამატმა 6.010 ლარი შეადგინა, მერის წარმომადგენლებმა კი 7.411 ლარი მიიღეს.
სახელფასო დანამატი არ მიუღია ახალციხის მერს გიორგი კოპაძეს.

ჯამში ქალაქის მერიაში წინასააღდგომოდ პრემია 57.710 ლარი 66 თანამშრომელმა მიიღო. სახელფასო დანამატის სახით კი 57 თანამშრომელზე 29.670 ლარი გაიცა.

[ვარლამ წიკლაური, ახალციხე]