ახალციხეში ანზორ გელდიაშვილის ხსოვნას პატივი მიაგეს [Photo]

ფოტო: ახალციხის მერია

„ტრადიციულად ჩვენ მესამე წელია პატივს მივაგებთ ჩვენი თანამოქალაქის ანზორ გელდიაშვილის ხსოვნას, რომელმაც თავი შესწირა 2008 წელს აგვისტოს ომში საქართველოს ინტერესების დაცვას. თითოეული ჩვენთაგანის ვალია გვერდით დავუდგეთ დაღუპულთა ოჯახებს“, - განაცხადა ახალიციხის ვიცე მერმა ზაზა თამარაშვილმა.

შეგახსენებთ, აგვისტოს ომში გარდაცვლილი ჯარისკაცის ანზორ გელდიაშვილის სახელი აქვს მინიჭებული ახალციხეში ასპინძისა და თამარშვილის ქუჩების დამაკავშირებელ ხიდს.

ასპინძისა და თამარაშვილის ქუჩების დამაკავშირებელი ხიდი, შპს "სავაჭრო ცენტრ ახალციხის“ (ახალციხის ბაზარი) ტერიტორიაზე მდებარეობს. ხიდი საქართველოს ინფრასტრუქტურის სამინისტრომ 2012 წელს ააშენა. ხიდი თავდაპირველად, ინფრასტრუქტურის სამინისტროს ბალანზე იყო, სამი თვის წინ, ახალციხის მერიის ბალანსზე გადავიდა. სწორედ ამის შემდეგ გადაწყდა ობიექტისათვის სახელის მინიჭება.

ხიდისათვის აგვისტოს ომის გმირის სახელის მინიჭება საქართველოს თავდაცვის სამინისტროს ინიციატივა იყო.


ფოტო: ახალციხის მერია

[sknews.ge]