ახალციხეში ხიდს აგვისტოს ომის გმირის სახელი მიენიჭა

საქართველოს თავდაცვის მინისტრი თინა ხიდაშელი ახალციხეს დღეს, 21 მაისს ესტუმრა. მას ასპინძისა და თამარაშვილის ქუჩების დამაკავშირებელ ხიდთან, ადგილობრივი თვიმმართველობის, ახალციხის ჯავშან–სატანკო სასწავლო ცენტრის წარმომადგენლები და აგვისტოს ომში გარდაცვლილი ჯარისკაცის ანზორ გელდიაშვილის ოჯახის წევრები დახვდენენ.

„ახალციხეში, ყველა თაობამ უნდა იცოდეს, რომ მათ ქალაქში გმირი ცხოვრობდა. მტერთან საბრძოლვევლად, ომში გარდაცვლილი ჯარისკაცების ისტორიების ცოდნა აუცულებებლია“, -განაცხადა საქართველოს თავდაცვის მინისტრმა თინა ხიდაშელმა.

მისი თქმით, ომში ტარგიკულად გარდაცვლილი ჯარისკაცების სახელები, საქართველოს სხვა ქალაქებში ქუჩებსა თუ სხვა ობიექტებს ეტაპობრივად მიენიჭებათ.

„დღევანდელი დღე ჩემთვის დაუვიწყარი იქნება, რადგან ჩემი შვილი ყოველთვის იცოცხლებს და ახალციხელები გაიგებენ, რომ ის გმირი იყო!“ -განაცხადა ანზორ გელდიაშვილის დედამ მზია ღონღაძემ.

თამარაშვილისა და ასპინძის ქუჩების დამაკავშირებელი ხიდისათვის ანზორ გელდიაშვილის სახელის მინიჭებაზე ქალქის საკრებულომ მიმდინარე წლის 25 მარტს იმსჯელა. გადაწყვეტილებას დეპუტატებმა მხარი ერთხმად დაუჭირეს.

„ვფიქრობ, რომ სამშობლოსთვის შეწირული ყველა ადამიანის სახელი უკვდავყოფილი უნდა იყოს“, - აღნიშნა ახალციხის მერმა გიორგი კოპაძემ.

ჯავშან-სატატანკო სასწავლო ცენტრის ხელმძღვანელი, პოლკოვნიკი ლერი გელხაური აგვისტოს ომში ანზორ გელდიაშვილთან ერთად იბრძოდა. იგი ჯარისკაცის დაღუპვის დღეს ისხსენებს და ამბობს, რომ გელდიაშვილი ქარელთან რუსული კოლონების შესვლის დროს გარდაიცვალა: „2008 წლის 10 აგვისტოს, როდესაც ქარელთან რუსული კოლონები შემოდიოდნენ, ჩვენ ჯარისკაცებს უსაფრთხოების მიზნით, ტერიტორიიდან მოსახლეობა ეტაპობრივად გამოჰყავდათ. ამ პერიოდში შეტაკება მოხდა, გელდიაშვილმა ტანკი ბავშვების ავტობუსს ააცილა და გზიდან გადავარდა, ის ამ დროს გარდაიცვალა“.



ასპინძისა და თამარაშვილის ქუჩების დამაკავშირებელი ხიდი, შპს "სავაჭრო ცენტრ ახალციხის“ (ახალციხის ბაზარი) ტერიტორიაზე მდებარეობს. ხიდი საქართველოს ინფრასტრუქტურის სამინისტრომ 2012 წელს ააშენა. ხიდი თავდაპირველად, ინფრასტრუქტურის სამინისტროს ბალანზე იყო, სამი თვის წინ, ახალციხის მერიის ბალანსზე გადავიდა. სწორედ ამის შემდეგ გადაწყდა ობიექტისათვის სახელის მინიჭება.
ხიდისათვის აგვისტოს ომის გმირის სახელის მინიჭება საქართველოს თავდაცვის სამინისტროს ინიციატივა იყო.

[ლუბა გიორგაძე, ახალციხე]