ახალციხის ერთ–ერთ ხიდს აგვისტოს ომში დაღუპული ჯარისკაცის სახელი მიენიჭა

მთავარი → საზოგადოება 25.03.2016

საქართველოს თავდაცვის სამინისტროს ინიციატივით, ახალციხეში, ასპინძისა და თამარაშვილის ქუჩების დამაკავშირებელ ხიდს, 2008 წლის ომში გარდაცვლილი ჯარისკაცის, ანზორ გელდიაშვილის სახელი მიენიჭა.

ახალციხის ერთ–ერთ ხიდს აგვისტოს ომში დაღუპული ჯარისკაცის სახელი მიენიჭა

აღნიშნულ საკითხზე ქალაქ ახალციხის საკრებულოს დეპუტატებმა დღეს, 25 მარტს, საკრებულოს სხდომაზე იმსჯელეს. საკითხს დეპუტატებმა მხარი ერთხმად დაუჭირეს.

ქალაქ ახალციხის საკრებულოს თავმჯდომარის დავით ლომიძის განმარტებით, ხიდი დღეიდან ომში ტრაგიკულად დაღუპული, ახალციხელი ჯარისკაცის ანზორ გელდიაშვილის სახელობის იქნება.

ასპინძისა და თამარაშვილის ქუჩების დამაკავშირებელი ხიდი, შპს "სავაჭრო ცენტრ ახალციხის“ (ახალციხის ბაზარი) ტერიტორიაზე მდებარეობს. ხიდი საქართველოს ინფრასტრუქტურის სამინისტრომ 2012 წელს ააშენა. სწორედ ამ პერიოდში აშენდა ახალციხის ბაზარიც.

როგორც „სამხრეთის კარიბჭეს“ ქალაქის საკრებულოში განუმარტეს, ხიდი აქამდე ინფრასტრუქტურის სამინისტროს ბალანზე იყო, ახლა კი ახალციხის მერიის ბალანსზე გადავიდა. სწორედ ამის შემდეგ გადაწყდა ობიექტისათვის სახელის მინიჭება.

ხიდისათვის აგვისტოს ომის გმირის სახელის მინიჭება საქართველოს თავდაცვის სამინისტროს ინიციატივა იყო.

ახალციხის ერთ–ერთ ხიდს აგვისტოს ომში დაღუპული ჯარისკაცის სახელი მიენიჭა