სატყეო უბნის უფროსი: წლები დასჭირდება ბორჯომში დაზიანებული ტყის აღდგენას

სტალბერ ყურმაშვილი ორი დღეა, ბორჯომში, სტიქიის ზონაში მუშაობს. მისი თქმით, სატყეო სამსახურის ჯგუფები სხვადასხვა ადგილებზე არიან გადანაწილებული.

როგორც ყურმაშვილი „სამხრეთის კარიბჭესთან“ ამბობს, დღეს ძირითადად პარკის ტერიტორია იწმინდება მოგლეჯილი ხეებისგან, ხვალიდან კი სამუშაოები ტყის სიღრმეში დაიწყება.

„გარემოს დაცვის მიმართულებით ზარალი დიდია, ხეზე ტოტი და ფოთოლი აღარ შერჩა. რაც შერჩა, დაბეგვილია. რამდენიმე ათეული წელი დასჭრიდება ამის აღდგენას. ძირითადად წიწვოვანი ხეები მოგლიჯა ქარმა, ასევე, ნეკერჩხალი, მუხა. წიწვოვანი დაეცა ფოთლოვანს და ფოთლოვანი ამიტომ განადგურდა“, – ამბობს იგი.

შეგახსენებთ, გუშინ, 4 აგვისტოს, ბორჯომი ძლიერმა წვიმამ, სეტყვამ და ქარიშხალმა დააზარალა. განსაკუთრებული ზიანი მიადგა ბორჯომის ისტორიულ პარკს.

[sknewss.ge]