ციხისჯვარში სტიქიის შედეგად მოგლეჯილ ხეებს მოსახლეობას დაურიგებენ

სოფელ ციხისჯვარის მიმდებარე ტერიტორიაზე ქარბორბალის შედეგად დაზიანებული ტერიტორია ეროვნული სატყეო სააგენტოს თანამშრომლებმა შეისწავლეს და მოგლეჯილი და გადატეხილი ხე–ტყე აღირცხეს. როგორც ეროვნულ სატყეო სააგენტოში განმარტავენ, დაახლოებით 600 კუბურ მეტრ შეშას, რომელიც ქარბორბალას შედეგად მოგლეჯილი და გადატეხილი ხეებისგან მოგროვდა, სოციალურად დაუცველ ოჯახებს დაურიგებენ.

შეგახსენებთ, რომ 21 მაისს, საღამოს ციხისჯვარში ქარბორბალამ დაახლოებით 10 ჰექტარზე ასწლოვანი ფიჭვისა და რცხილას ხეები მოგლიჯა. ადგილობრივების განმარტებით ძლიერმა ქარმა ხეები ჰაერში რამდენიმე მეტრზე აიტაცა და ატრიალა. შემთხვევას მსხვერპლი არ მოყოლია. გამგებლის წარმომადგენლის განმარტებით, მოტეხილა ხემ ადგილობრივების ერთი ძროხა მოიყოლა და მოკლა. ამავე დღეს ბორჯომში,თორის ქუჩაზე ჩამოწოლოლმა მეწყარმა ადგილობრივების სახლები და სათავსოები დააზიანა.

[თინათინ ზაზაძე, ბორჯომი]