ბორჯომის პარკი სტიქიის შემდეგ [Photo]

მთავარი → სიახლე, ფოტოამბავი 05.08.2016

ბორჯომის პარკში დილიდან გაწმენდვითი სამუშაოები მიმდინარეობს. პარკში მთლიანად განადგურებულია ინფრასტრუქტურა, ატრაქციონები, კაფე – ბარები, ჩამოწოლილია ფერდობი, ფესვებიანადაა მოგლეჯილი ხეები. პარკი დღეს დამსვენებლებისთვის დაკეტილია.

შეგახსენებთ, სტიქიის სალიკვიდაციო სამუშაოები ბორჯომში დღეს დილიდან მიმდინარეობს.

როგორც "სამხრეთის კარიბჭეს" ჟურნალისტი, თამუნა უჩიძე, ბორჯომიდან იტყობინება, ბორჯომის პარკში დასუფთავებაზე მუშაობენ პარკის თანამშრომლები, მოხალისეები, ბორჯომის დასუფთავების სამსახურის წარმომადგენლები და გარემოს დაცვის სამინისტროს სამსახურები, როგორც ზედამხედველობის დეპარტამენტი, ასევე სატყეო სამსახური.

გარემოს დაცვის სამინისტროს თანამშრომლები ძირითადად პარკის ხედა ტერიტორიაზე მუშაობენ. ისინი პარკს მოტეხილი ხეებისგან ასუფთავებენ.

პარკში მუშაობენ 'ქართული ოცნების' აქტივისტებიც.

შეგახსენებთ, ბორჯომის პარკი დღეს დამსვენებლებისთვის დაკეტილია. პოლიციას გადაკეტილი აქვს პარკამდე მისასვლელი გზაც, არ ატარებენ არც მანქანებს და არც ადამიანებს.

ბორჯომის პარკი სტიქიის შემდეგ [Photo]