ზარზმელის ქუჩის მაცხოვრებლები სახურავების შეკეთებას ითხოვენ

ზარზმელის ქუჩის მაცხოვრებლების თქმით, დასახლებაში არსებული ყველა შენობის სახურავი გამოსაცვლელია, მაგრამ მასზე პასუხისმგებლობას ადგილობრივი თვითმმართველობა არ იღებს.

ყოველი წვიმის შემდეგ მათ ჭერიდან წყალი ჩასდით, თუმცა დღეს, 3 აგვისტოს მოსული ნალექსი გამო ადგილობრივებმა ბევრად დიდი ზიანი მიიღეს.







შეგახსენებთ, დღეს, 3 აგვისტოს, ქალაქ ახალციხეში ძლიერი სეტყვა დაახლოებით 15 წუთის განმავლობაში გრძელდებოდა. დაზიანდა კოსტავას, თამარაშვილის, ხანძთელისა და მიქუტიშვილის ქუჩები.. [/url] მესხეთის ქუჩაზე საცხოვრებელი სახლის ეზოს კედელი ჩამოეშალა. კოსტავას ქუჩაზე კი წვიმა ოთახებში ჩავიდა. სტიქიისგან დაზარლდა მაღაზია "შოშიაც".

900–მდე აბონენტი უშუქოდაა.3 აგვისტოს, ქალაქ ახალციხეში მოსულმა ძლიერმა სეტყვამ ხეხილიც გაანადგურა.

ახალციხის ქუჩებში ამ დრომდე მუშაობს სამაშველო სამსახური. მაშველები ადგილობრივების დატბორილი სარდაფებიდან და ფარეხებიდან წყალს ტუმბავენ.

მერია ზარალის შესწავლას ხვალ დაიწყებს.

დღევანდელი სტიქია სოციალური ქსელის განხილვის თემაა.

[თაკო ფეიქრიშვილი, ახალციხე]