სტიქიის შედეგები გრიგოლ ხანძთელის ქუჩაზე [Photo]

დაახლოებით 100–მეტრიან მონაკვეთზე სეტყვის გროვები, რომლებიც ამ დრომდე რჩება, ავტომობილების მოძრაობას აფერხებს.

გროგოლ ხანძთელის ქუჩაზე მცხოვრებლები აცხადებენ, რომ სამაშველო სამსახური მათ უბანში დაგვიანებით მივიდა.

„სარდაფები სავსეა წყლით. უზარმაზარი წყლის მასა შემოვარდა ჩვენს ეზოში. საშინელება იყო. ამ დრომდე ველოდებით“, –აცხადებენ ადგილობრივები.

სამაშველო სამსახური გრიგოლ ხანძთელის ქუჩაზე დაახლოებით 19:30 საათზე მივიდა, უამინდობა კი 16:00 საათზე დაიწყო და ნახევარ საათზე მეტს გრძელდებოდა.

სამაშველო სამსახურში ამბობენ, რომ ბევრი გამოძახებები იყო: „ყველა გასული ვართ უბნებში, როგორც კი ერთს ვამთავრებთ, მეორეში გადავდივართ“.

შეგახსენებთ, რომ დღეს, 3 აგვისტოს მოსულმა ძლიერმა წვიმამ და სეტყვამ განსაკუთრებით თამარაშვილის, კოსტავას, მიქუტიშვილისა და ხანძთელის ქუჩები დააზიანა. წვიმისგან მოვარდნილი ნიაღვრები შევარდა სხვა ქუჩებზე მცხოვრებლებთანაც.

წვიმისა და სეტყვის გამო კოსტავას ქუჩაზე სახლს სახურავი ნაწილობრივ გადაეხადა. სხვა ქუჩებზე წვიმა ჩავიდა ადგილობრივების სახლებში, დაიტბორა სარდაფები და ფარეხები. სეტყვისგან დაზიანდა ავტომანქანები.















შეგახსენებთ, დღეს, 3 აგვისტოს, ქალაქ ახალციხეში ძლიერი სეტყვა დაახლოებით 15 წუთის განმავლობაში გრძელდებოდა. დაზიანდა კოსტავას, თამარაშვილის, ხანძთელისა და მიქუტიშვილის ქუჩები.. [/url] მესხეთის ქუჩაზე საცხოვრებელი სახლის ეზოს კედელი ჩამოეშალა. კოსტავას ქუჩაზე კი წვიმა ოთახებში ჩავიდა.

900–მდე აბონენტი უშუქოდაა.3 აგვისტოს, ქალაქ ახალციხეში მოსულმა ძლიერმა სეტყვამ ხეხილიც გაანადგურა.

ახალციხის ქუჩებში ამ დრომდე მუშაობს სამაშველო სამსახური. მაშველები ადგილობრივების დატბორილი სარდაფებიდან და ფარეხებიდან წყალს ტუმბავენ.

მერია ზარალის შესწავლას ხვალ დაიწყებს.

დღევანდელი სტიქია სოციალური ქსელის განხილვის თემაა.
[თინათინ ზაზაძე, ახალციხე]