ახალციხეში ძლიერმა სეტყვამ მარკეტი "შოშია" დააზიანა

უხვი ნალექისა და ქარის შედეგად დაზიანდა შენობის სახურავი, ჩამოინგრა საშენი მასალა და წყალმა კედლებში გაჟონა. წყალი შევიდა სარდაფშიც. განადგურდა სურსათი და გასაყიდად დახლებზე დალაგებული სხვდასხვა ნივთი.

"20 ათასი ლარის საქონელი მაქვს ამჟამად და ნახევარი განადგურდა. გასაყიდი ჭურჭელი სულ ჩამოცვივდა და დაიმსხვრა. კრედიტი მაქვს აღებული და იმაშიც თანხას ვიხდი. დაზღვული კი მაქვს, მაგრამ რას ამინაზღაურებენ არ ვიცი. ჩემი შემოსავლის წყარო ეს არის, მეტი არაფერი მაქვს“, – ამბობს მარკეტის მეპატრონე დოდო ხაჩიძე.

ადგილზე იმყოფებოდა მერის წარმომადგენელი დავით სამსონიძე. მისი თქმით, ქალაქში მძიმე მდგომარეობა შეიქმნა, ზარალს სპეციალური კომისია ითვლის.

"კერძო ობიექტებისათვის ზარალის ანაზღაურება ჩვენ ბიუჯეტით გათვალისწინებული არ არის, მაგრამ თუ მთლიანი სტიქიური ზარალი დადგინდება და სახელმწიფო ჩაერთვება, ეს სხვა საქმეა. კერძო მეწარმეებს უნდა ჰქონდეთ დაზღვევა და სადაზღვეო ვალდებულია აუნაზღაუროს“, – განმარტა დავით სამსონიძემ.

შეგახსენებთ, დღეს, 3 აგვისტოს, ქალაქ ახალციხეში ძლიერი სეტყვა დაახლოებით 15 წუთის განმავლობაში გრძელდებოდა. დაზიანდა კოსტავას, თამარაშვილის, ხანძთელისა და მიქუტიშვილის ქუჩები.. [/url] მესხეთის ქუჩაზე საცხოვრებელი სახლის ეზოს კედელი ჩამოეშალა. კოსტავას ქუჩაზე კი წვიმა ოთახებში ჩავიდა.

900–მდე აბონენტი უშუქოდაა.3 აგვისტოს, ქალაქ ახალციხეში მოსულმა ძლიერმა სეტყვამ ხეხილიც გაანადგურა.

ახალციხის ქუჩებში ამ დრომდე მუშაობს სამაშველო სამსახური. მაშველები ადგილობრივების დატბორილი სარდაფებიდან და ფარეხებიდან წყალს ტუმბავენ.

მერია ზარალის შესწავლას ხვალ დაიწყებს.

დღევანდელი სტიქია სოციალური ქსელის განხილვის თემაა.









[თაკო ფეიქრიშვილი, ახალციხე]