სტიქია ახალციხეში – მერიის ყველა წარმომადგენელი შემთხვევის ადგილებზეა გასული

ახალციხის მერი გიორგი კოპაძე კოსტავას ქუჩაზე

დღეს, 3 აგვისტოს მოსულმა ძლიერმა წვიმამ და სეტყვამ ახალციხეში ადგილობრივები დააზარალა. სეტყვა და წვიმა დაახლოებით 16:00 საათზე დაიწყო თითქმის 15 წუთს გაგრძელდა.

ხუთსართულიანების დასახლებაში, ერთ კორპუსს სახურავი ნაწილობრივ გადახადა. ამავე დასახლებაში კაკლის ხე მოტყდა და საცხოვრებელი სახლი დაზიანდა. ასევე, მოგლეჯილია ინტერნეტის კაბელი და დაიანებულია ბუნებრივი აირის მილი.

დაზიანდა საცხოვრებელი სახლების სახურავები. წვიმამ სახოვრებელ კორპუსებში მაღლა სართულებზე მცხოვრებლები ჩარეცხა. სტიქიის გამო დატბორილია სახლების პირველი სართულები და სარდაფები, ასევე, ქალაქის სვადასხვა უბანში, პირველ სართულებზე მდებარე არაერთი კერძო ობიექტი.

შემთხვევის ადგილებზე მუშაობს სამაშველო სამსახური. როგორც აღნიშნულ სამსახურში ამბობენ, არაერთი გამოძახება შედის და უმეტესად ამოტუმბვაში დახმარებას ითხოვენ.

[თინათინ ზაზაძე, ნინო ნარიმანიშვილი, ახალციხე]