„სტუდენტი მხოლოდ აუდიტორიაში არ უნდა იჯდეს“ – ლექცია ხორბლის ყანაში

სხვადასხვა კულტურების დათესვის, მოყვანისა და აგროვადების, ასევე უხვი მოსავლის მიღების შესახებ კოლეჯ „ოპიზარის“ აგრონომიის ფაკულტეტის სტუდენტებს წნისის სადემონსტრაციო ნაკვეთში ლექცია ჩაუტარეს.

გასვლითი ღონისძიება ახალგაზრდებისთვის სოფლის მეურნების სამინისტორს სამცხე–ჯავახეთის რეგიონულმა სამმართველომ მოაწყო.

„სოფელში ვცხოვრობ და მიწევს ყანაში მუშაობა, მაგრამ ასეთი ლექციები და ინფორმაციის ამ ფორმით მიღება განსაკუთრებით მნიშვნელოვანია“, – ამბობს კოლეჯ „ოპიზარის“ სტუდენტი ანა არუთუნიანი.

სოფლის მეურნების სამინისტორს სამცხე–ჯავახეთის რეგიონული სამმართველოს უფროსის ნანა ზუბაშვილის თქმით, სამცხე–ჯავახეთის რეგიონული სამმართველო მჭიდროდ თანამშომლობს გაეროს განვითარების პროგრამასთან. რეგიონში შვიდი სადემონსტრაციო ნაკვეთი სწორედ მათი დახმარებით გაკეთდა.

„სტუდენტი მხოლოდ აუდიტორიაში არ უნდა იჯდეს. მან მინდორში უნდა ნახოს როგორ ვითარდება სოფლის მეურნეობა. ასე უკეთ ისწავლიან“, – განაცხადა გაეროს განვითარების პროგრამის მენეჯერმა რუდიგერ ჰეინინგმა.

[ვარლამ წიკლაური, ახალციხე]